akitsuutit
Vittus Qujaukitsoq: Mittarfimmut akitsuutit qaffasippallaaqaat
Inuussutissarsiornermut niuernermullu Naalakkersuisup namminersortut isumaqatigai oqarmata mittarfimmut akitsuutit qaffasippallaartut takornariaqarnerullu ineriartortinnissaanut akornusiillutik
Inuussutissarsiornermut, sulisartoqarnermut, niuernermut nunanullu allanut tunngasunut Naalakkersuisup Vittus Qujaukitsup (S) ingerlatsiviit arlallit taperserpai, tamakkua mittarfimmut akitsuutit maanna atuuttut isornartorsiormatigit.
Akit paasinarnerusut
– Takornariaqarnermut periutsimi tikkuarsimavarput akit aaqqissuussaanerat paasinarnerusariaqarpoq, sullinneqarnermut naapertuunnerulersillugit. Uanga aalajangiisuusussaasuuguma soorunami allanngortissagaluarpakka, taanna oqarpoq.
Iliuutsit marluk
Naalakkersuisoq nassuiaavoq Mittarfeqarfinni akit appartinniarlugit marlunnik iliuuseqarsimallutik.
– Tamatumuunakkulli immikkoortorpassuit paasiuminaatsut, ajoraluartumik atuisartunut akiliutigitinneqartartut, peersinneqarsimanngillat, taanna oqaerpoq.
Ajornartorsiut tamanna pillugu annertunerusumik Sermitsiaq 23-mi atuarit. Aviisi ataani linki atorlugu pisiarisinnaavat