Skip to main content

Vittus Qujaukitsoq Issittoq pillugu ataatsimeersuarnermi peqataanngilaq

Nunanut allanut tunngasunut Naalakkersuisoq Vittus Qujaukitsoq Issittoq pillugu Ruslandimi ataatsimeersuarnermi peqataanngilaq, Alaskami ataatsimiinnermi Inuit Economic Summit-imi peqataarusunnerugami. Suliassanik silatuumik tulleriiaarineq, kontreadmiral Nils Wang oqarpoq

Qallunaat nunanut allanut tunngasunut ministeriat Anders Samuelsen ukioq manna Issittoq pillugu ataatsimeersuarnerit pingaarnerpaat ilaanni naalagaaffeqatigiit sinnerlugit peqataavoq.

»Arktis – dialogens territorium« Ruslandip avannarpasissuani illoqarfimmi Arkhangelskimi marsip 29-anni 30-annilu ingerlanneqarpoq, issittorlu pillugu ataatsimeersuarnerinnaanngilaq, aamma qallunaat nunanut allanut tunngasunut ministeriata 2014-imi Krim-imi ajornartorsiornerup kingorna Ruslandimi ataatsimiinnerata siullersaraat. Ataatsimeersuarnermi aamma peqataapput norskit nunanut allanut tunngasunut ministeriat Børge Brende, islandip nunanut allanut tunngasunut ministeriat Gudlaugur Thor Thordarson norskillu præsidentiat Sauli Niinistö.

– Ukioq mannami Issittoq pillugu ataatsimeersuarnerit pingaanersaasa ilagaat. Peqataanissaq pingaaruteqarpoq. Taamaattumik Anders Samuelsenip naalagaaffeqatigiit pingaartitaat saqqummiutissavai, inunnillu Issittumik sammisalinnik attaveqaatisiussalluni, nunanut allanut ministereqarfik paasissutissiivoq.
Nunanut allanut tunngasunut Naalakkersuisoq Vittus Qujaukitsoq ataatsimeersuarnissamut qaaqquneqarsimavoq, nunalli allat assiginagit atorfilittamik Ruslandimukartitsivoq, taarsiullugu Alaskami illoqarfimmi Anchoragemi ataatsimiinnermi Inuit Economic Summitimi, ulloq taanna ingerlanneqartumi, peqataaniarluni.
Nunanut allanut tunngasunut Naalakkersui­sup Vittus Qujaukitsup Ruslandimi ataartsi­meersuarnermut peqataannginnera Nils Wangip ajornartorsiutitut isiginngilaa.

– Pissutsit eqqarsaatigalugit isumaqar­punga suliassaminik torrallaasumik tulleriiaarisoq. Qallunaat nunanut allanut tunngasunut ministeriat Inuit Economics Summit­imi Qujaukitsutulli kimeqartigisu­mik oqalugiarsinnaanngilaq. Taamaattumik isumassaqarluarpoq kalaallit oqaloqatigiit­tarfinnik taamatut tulleriiaarisimanerat. Tamanna assersuutissaalluarpoq pisutigut assigiinngitsutigut ataatsikkut naalagaaffik sinnerlugu peqataasoqarsinnaasoq.
 

Allaaserisaq Sermitsiami aviisimi saqqummertumi kingullermi atuarsinnaavat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER