Vittus Qujaukitsoq Aalisarneq pillugu Siunnersuisoqatigiinni siulittaasunngortoq
Aalisarneq pillugu Siunnersuisoqatigiit ukiup sinneranut siulittaasussamik nutaatut qinersisimapput. KNAPK-mi pisortaaneq Vittus Qujaukitsoq, Sulisitsisuneersoq Bent Sørensen taarserlugu siulittaasunngorpoq.
Vittus Qujaukitsoq ukiup sinneranut Aaalisarneq pillugu Siunnersuisoqatigiinni siulittaasutut nutaatut qinerneqarsimavoq.
Aalisarneq pillugu Siunnersuisoqatigiinni siunertarineqarpoq Naalakkersuisunut aalisarnermut tunngassuteqartunik siunnersuisinnaaneq, aalajangersimasunik marlunnik ilaasortaqarpoq ukuusunik, Kalaallit Nunaanni Sulisitsisut aamma KNAPK.
Siulittaasuusarneq paarlakaalluni ingerlasarpoq ilaasortat taaneqartut akornanni.
Aalisarneq pillugu Siunnersuisoqatigiit 2022-mi maajip 24-anni ataatsimiinneranni isumaqatigiissutigineqarpoq, KNAPK ukiup naanissaata tungaanut siulittaasuutitaqassasoq. Taamaalilluni Vittus Qujaukitsoq ukiup sinneranut siulittaasutut nutaatut qinerneqarluni.
Siusinnerusukkut siulittaasuusimasutut taaneqarsinnaasut tassaapput Bent Sørensen Sulisitsisut, Petrus Biilmann KNAPK, Peter S. Olsen KNAPK, Jens K. Lyberth Sulisitsisut (Sulisitsisutut taaguuteqanngikkallarmat)