Skip to main content

Vittus Kerrylu oqqatileraluarpata Danmark piareersimavoq

Danmarkimi nunanut allanut ministeri Kristian Jensen (V), Pituffimmi kiffartuussinissamut isumaqatigiissut annaaneqartoq pillugu Nunarput ikioqquppat, ikiuinissamut piareersimalluni Ritzauimut oqarpoq

Amerikamiut nunanut allanut ministeriat, John Kerry, tallimanngornermi Nunatsinnut tikippat, nunatsinni politikerit qularnanngitsumik aalajangiineq, Kalaallit Nunaannut akisoorujussuusinnaasoq eqqarsaatigeqqinnissaanik qinnuiginnissapput.

Ukiut amerlanngitsut matumat siorna USA-p illersonissaqarfiata Pituffimmi mittarfiup kiffartuunneqarnissaanut isumaqatigiissut ukiuni arfineq-marlunnik sivisussusilik 2,4 milliard koruuninik nalilik Amerikamiut ingerlatseqatigiiffiannut tunniuppaa. USA-p, Kalaallit Nunaata aamma Danmarkip akornanni isumaqatigiissut qangarnisaq akerleralugu tamanna akerleralugu pivoq, eqqartuussivikkut suliaq suli ingerlavoq.

Danmarkip nunanut allanut ministeria, Kristian Jensen (V), Kalaallit Nunaat tapersersussallugu piareersimavoq. Kisianni nammineq piumappassuk aatsaat.

- Ikiorusuppakka. Kisianni taakku piumasareqqaassaavaat. Oqaloqatigiinnissat taakku kissaatiginikuuaat, Kristian Jensen oqarpoq.

Atuaruk: USA-mit aqagu tikeraartoqarneq politiinut suliassarujussuussaaq

Pituffimmi kiffartuussinissamut isumaqatigiissummik tunniussisarneq 2013 tikillugu Danmarkip agguaattaraluarpaa.

EU-p unammilleqatigiinnermut inatsisaat Danmarkimut ajornartorsiortitsinissaat ernumassutigineqarmat, suliassaq Amerikamiunut tunniunneqarpoq.

- Kalaallit Nunaanni kalaallit politikerit ataatsimeeqatigisussaavagut, suliallu qaqinnissaannut taakku aajalajangiisuussapput. Taakkumi Danmarkimit annerusumik tassunga soqutigisaqarput, Kristian Jensen oqarpoq.

2014-ip naanerani Amerikamiut ingerlatseqatigiiffiata Vectrus Exelis Services kiffartuussinissamut isumaqatigiissut pissarsiaraa.

Taanna isumaqatigiissut Nunatta kalaallinut imaluunniit qallunaanut-kalaallinut tunniunneqarnissaat kissaatigaat.

Atuaruk: Vittus Kerryp tikeraarnissaa sioqqullugu: Annertuumik sulereernikkut piviusunngorpoq

Isumaqatigiissut pillugu Amerikami eqqartuussivikkut suliap ingerlanerani, Greenland Contractorsip - MT Højgaardimit pigineqartup - arlaleriarlutik isumaqatigiissut sivitsortsinnikuuaat. Tamanna kingullermik marsimi pivoq.

/ritzau/

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER