Skip to main content

Visit Greenlandimi siulersuisut taarseraattut

Visit Greenlandimi Namminersorlutik Oqartussat ingerlatseqatigiiffiutaani immikkut ittumik ataatsimeersuartoqarmat, siulersuisuni ilaasortat pingasut anipput nutaallu pingasut ilaasortaalerlutik kiisalu nutaamik siulittaasoqalerluni.

Visit Greenlandimi takkuttoqarani, apriilip aappaani immikkut ittumik ataatsimeersuartoqarmat, piginnittut - Namminersorlutik Oqartussat - siulersuisuni arfinilinnik inuttaqartumi pingasunik nutaanik ilaasortanngortitsipput.

Siulersuisuni ilaasortat uku taarserneqarput: Maliina Abelsen, Erik Bjerregaard aamma Johanne Bech. Inuit taakku pingasut sooq taarserneqarnersut, Visit Greenlandip tusagassiorfinnut nalunaarutaani takuneqarsinnaanngilaq, Maliina Abelsenili Air Greenlandimi pisortaajunnaareerpoq, aamma Erik Bjerregaard ukiorpassuarni Ilulissani akunnittarfimmi pisortaareerluni soraarninngorsimalluni.

Uku pingasut ilaasortaaginnarput: Anette G. Lings Hotel Sisimiuni aamma Arctic Incomingimi pisortaq, Sakiko Daorana takornariartitsisartutut namminersortoq aamma Arni Gunnarsson Air Iceland Connectimi managing directori.

Namminersorlutik Oqartussanit inuit uku pingasut siulersuisunut ilaasortanngortinneqarput:

Morten Nielsen 2018-imi juulip qaammataanili Hotel Arcticimi pisortaanerusoq, ilaatigullu Kanglussuarmi akunnittarfimmi pisortatut, Hotel Hans Egedemi tuniniaanermi pisortatut kiisalu Air Greenlandimi qullersatut atorfinni arlalinni, kingullermik COO - Chief Operations Officeritut siusinnerusukkut atorfeqartarsimasoq. Morten Nielsen Greenland Tourismimi siulersuisunut siusinnerusukkut ilaasortaasimavoq. 

Pitsi Høegh Qaqortumi takornariartitsisartimmik Greenlands Sagalandsimik 2008-mili namminersortutut ingerlatsisimavoq. Pitsi siusinnerusukkut Qaqortumi takornariartitsisartunut pisortaasimavoq Arctic Umiaq Linellu immikoortortaqarfiani pisortaasimalluni. Nuummi Niuernermik Ilinniarfimmi takornariartitsinermi EVU-tut HK-tullu ilinniagaqarpoq. 

Mia Scheel titartaasarfimmik Zeso Architecsimik Københavnimiittumi piginneqataasuuvoq, aamma suliffeqarfinni arlalinni, soorlu Kvann Kompagniet, OL Gulve, Cornfield Press il.il. siunersuisartutut atorfeqartarsimavoq. Mia Scheel arkitektitut ilinniagaqarpoq,  er uddannet arkitekt og har flere andre uddannelser/efteruddannelser fra CBS-imi, Bradford Universitymi aamma Green Building Councilimi allanik ilinniagaqarsimavoq/ilinniagaqaqqissimavoq. 

Siulittaasoq nutaaq

Namminersorlutik Oqartussat Anette G. Lings siulersuisuni siulittaasussatut toqqarsimavaat.

- Anette G. Lings Hotel Sisimiumik Arctic Incomingimillu piginnittuullunilu pisortaavoq. Anette Sisimiuni alliartorpoq Akademiøkonomitullu, takornariartitsisarnermik immikkut sammisaqarluni ilinniagaqarpoq. Sisimiuni siusinnerusukkut takornariartitsinermi pisortaasimavoq, tassani takornarianut ilisimatitsissuteqartarneq nittarsaassisarnerlu qitiutillugit suliarisimallugit, aamma Air Greenland Travelimi pisortaasimavoq. Anette Visit Greenlandimi arlaleriarluni ilaasortaasarsimavoq. Kingullermik 2015-imi ilaasortanngorsimalluni, Visit Greenlandip taarseraannerujussuarmut oqaaeqanngitsup tusagassiorfinnut nalunaaruteqarnermi ilisimatitsissutigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER