Skip to main content

Vikingit Nunatsinnit sooq qimagussimanersut nassuiaatigineqartoq

Vikingit Kalaallit Nunaanni ukiuni 500-t missaanni najugaqarput, paasineqarsinnaanngitsumilli Nunatsinni najugaqarunnaariataarlutik. Danskit misissuisartut tamanna paasiniarpaat

Hans Egede 1721-mi Kalaallit Nunaannukarami vikingit kristumiunngortikkiartoramigit pakatsivoq. 

Kalaallit Nunaammi vikingeerussimavoq, inuillu kalaaliinnaallutik.

Vikingit sumut pisimanerat taamanili eqqarsaatigineqartarpoq. Ukiuni 500-ni Nunatsinni najugaqarsimasut ilisimaneqarpoq, paasineqarnikuunngilarli sooq Kalaallit Nunaanniikkunnaarsimanersut. 

Kalaallit Nunaata nillernerujussua pissutaasimasinnaasoq danskit misissuisartut pissutaasoraat. 

Antoon Kuijpers Geusimeersoq oqaluttuarpoq. 

- Ukioq 1200-mit 1450 tikillugu Kalaallit Nunaata kujataa kitaalu nillertikkiartuinnavissimapput. Aasallu anorlertarlutik. Pissamaatinik angallassisinnaannginnerit pissutigalugit vikingit Kalaallit Nunaanniit qimagussimanissaat eqqoriarparput. Sikusarnera pissutaalluni pissamaatit angallanneqartarnissaat ajornarsimmat. Vikingit Kalaallit Nunaat qimassimaneraat - imaluunniit allamik pisoqarsimanersoq - ilisimanngilarput, oqarpoq. 

Vikingit marlunni najugaqarfeqarsimapput:

Nuup eqqaani
Kalaallit Nunaata kujaterpiaanilu

Aarfanniarneq vikingit uumassutigaat Qeqertarsuup Tunua tikillugu piniartarlutik. Qilalukkat tuugaavinik Europamiunut tunisaqarneq ilaatigut pingaaruteqarsimavoq. 

Inuuffigisimasaat 2.000-nit 10.000-nut inoqarsimassasoq ilimagineqarpoq. Tassanngaannarli unittoqariataarpoq. 

Sooq taamaattoqarsimanersoq paasissutissanik ersiutilinnik nassuiaasoqarnikuunngilaq. 

Misissuinerit
Inuuffigineqartuni sila qanoq issimanersoq missuisartunit misissorneqarpoq. Misissuinermi atorneqarsinnaasunik immap naqqani nassaartoqarpoq. 

Silap issinnerani silallu anorlerneranni atorneqartartut nassaassaapput. 

Ukiumi 1200-mi silap allanngornera pissutaalluni vikingit Nunatsinni najugaqarunnaarsimanissaat ilimagineqarpoq, nerisassaqarniarneq ilaatigut ajornartorsiutaalersimalluni. 

- Nuup eqqaanili ukiuni 100-ni sivisunerusumik najugaqarsimasut paasivarput. Tassani peqqumaatissat angallanneqarsinnaasimanerannik isumaqarsinnaavoq, Antoon Kuijpers oqarpoq. 

Vikingit naatitsisarsinnaasimasut ilaatigut paasineqarpoq. 

Paasissutissat marluk ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER