Video: Sisimiuni biilit ikuallattut qaarlutillu

Sisimiuni biilit ikuallattut pingasunngornermi nalunaaqutaq ullup qeqqarluinnaraa takuneqarput. Biilit adressemi Siaqqinnermiipput.

Politikommissær Karl-Jørgen Lennert, Sisimiut Politiiviniittoq ilisimatitsivoq biilit suliffeqarfiup aalajangersimasup pigisarigai.

- Biilit motoreqarfiatigut ikuallanneq aallartissimassasoq ilimagivarput. Ikuallannermi inunnik ajoqusertoqanngilaq, Sermitsiaq.AG-mut ilisimatitsivoq.

Ikuallannerup nalaani annikitsumik qaartoqarpoq.

Qatserisartut sumiiffimmiittut nalunaaqutaq 12.45 missaani biilit ikuallattut qamiterlugit naammassisimasut, politikommissær ilisimatitsivoq.

Biilit ikuallattut videoliarineqarnerat uani takujuk: