Video: Qipoqqaq misissoqqissaarniarlugu pilanneqartoq takuuk

Uumassusilerisut, qipoqqaq Skagenip avataani bundgarninut naapissimalluni toqungasoq ataasinngormat nassaarineqartoq, misissoqqissaarniarlugu maanna pilappaat. Sulilu naammassinngitsut apeqqutissarpassuaqalereerpoq, uumassusileritooq Kristina Ydesen nassuiaavoq.

Kristina Ydesen, Nordsøen Oceanariummimi Hirtshalsimiittumi uumassusilerituujusoq, uumassusilerituut ilisimatusartullu allat ikinnerpaamik 16-iusut ilagaat qipoqqarnut tunngatillugu sapinngisamik paasisaqarniarsariniartut.

Misissueqqissaarniarluni pilanneq pillugu videoliaq uani takusinnaavat:

Arferup toqusimaneranut eqqumiiginarsinnaasunik arlalinnik maannamut peqarpoq, taanna nassuiaavoq.

- Arfeq pisoqaavallaarpasinnginnguatsiarpoq, taanna Ritzau-mut oqarpoq.

- Takissusaa naapertorlugu piaraanissaa ilimanarluinnarpoq. Ilisimatuut marluk eqqarsaatigisimavaat anaanaminit milutsikkunnaarneqarsimanersoq.

Taamaammat pingasunngorpat suliassat siullersaasa ilagissavaat qanoq utoqqaatigineranik paasiniaanissaq. Arferup otte miiterinik takissuseqarnera maannamut taamaallaat paasineqarsinnaasimavoq.

Kristina Ydesenip tamatuma saniatigut nassuiaatigaa, nassaarfigisaq apeqqutinik allanik pilersitsisimasoq:

- Bundgarnip iluani toqungasoq nassaarineqarpoq. Naapissimanngilaq, taanna oqarpoq nassuiarlugulu, bundgarni arferup inuuneranik naleqarsinnaasumik takussutissaqanngitsoq.

- Qassutaavoq ammalortoq. Tunngaviatigut qassutip iluani nalussinnangaluarpoq – niisat taamaattartut takusareerpavut. Qassutip iluani angalaartarput, aniffissarlu nassaarigaangamikkut aneqqiinnartarlutik.

Kristina Ydesen naapertorlugu, tikaagullik "qaamigut ilumigullu uumasuaqqanik miluuffigisaminnut ilanngartuisunik ulikkaartoq" siusinnerusukkut nassaarineqarsimavoq, taanna qassutini toquinnarsimavoq.

Arferulli maanna nassaarineqartup qaavani miluuffigisaminnut ilanngartuisunik takussutissaqanngilaq, taanna oqarpoq. Arferli ajoqusersimavoq, sumit pisimanera pillugu taanna aamma soqutiginnippoq.

Arfverup ilumini pisatai aamma misissorneqassapput. Kristina Ydesen naapertorlugu, arfeq ilumigut aanaartoorluni toqusimasinnaanera ilisimatuut paasiaqarfigissallugu soqutigissavaat.

Aamma ilisimatuut immikkut ittumik ilisimasallit arferup nipaanik misissuiartorlutik tikissapput.

Fiskeri- og Søfartsmuseetimi Esbjergimiittumi, Syddansk Universitetimi aamma Aarhus Universitetimi ilisimatuut aamma peqataassapput.

Taamatuttaaq Naturhistorisk Museumimi aanaveersaasartoq, siorna tikaagullinnik Blokhusimi oktobarip qaammataani Hobromilu decembarip qaammataani pilaallunilu misissuisoqataasimasoq peqataassaaq.