Skip to main content

Videokkut meeqqanik apersuineruneq piviusunngungajalerpoq

Inatsisartut tamarmiusut ullumi siunnersuut meeqqanik videokkut apersuinermut ajornannginnerulersitsisussaq aappassaaneerneqarnera akueraat

Inatsisartut ullumi ataasinngornermi 25. april 2016-imi maleruagassat atuuttut video atorlugu apersuisarnermik ilaneqarnissaannut aalajangiiffigisassatut siunnersuut suliaraat. 

Maleruagassat nutaat atuutilernerisigut, video atorlugu apersuisarnermi ukiunut killissarititaasut 12-iniit 15-inut qaffanneqarput. Pisut ilaanni inuusuttut 18-it tikillugit ukiullit video atorlugu apersorneqarsinnaassapput. Maleruagassat Folketingimit akuersissutigineqarunik erngerlutik atuutilernissaat naatsorsuutigineqarpoq.

Folketingi kisimi utaqqineqartoq
Ukiaanerani siunnersuut akerlilerneqarpoq, Eqqartuussissuserisut Peqatigiiffiata unnerluunneqartut inatsisitigut illersorneqarnerannut ernumassuteqarnertik oqaatigimmagu.

Atuaruk: Isornartorsiuineq akerlilerpaat: Video atorlugu apersuisarnermut ukiut qaffanneri ajunngilaq

Kisianni ataasinngornermi siullermeerneqarnera assigalugu partiinit tamanit taperserneqarpoq.

Maleruagassat Folketingimit akuersissutigineqarunik erngerlutik atuutilernissaat naatsorsuutigineqarpoq.

Tapersersuineq nuannaarutigigaa
- Meeqqat inuusuttullu paarilluarneqarnissaannut immikkut akisussaaffeqarpugut. Minnerunngitsumik pinerlunnermik sakkortuumik, soorlu persuttarneqarnermik kinguaassiutitigullu atornerlunneqarnermik unioqqutitsivigineqartillugit, Pinngortitamut, Avatangiisinut Inatsisinillu Atuutsitsinermut Naalakkersuisoq Mala Høy Kúko oqarpoq.

- Video atorlugu apersuisarnermik aaqqissuussinerup annertusineqarnerani meeqqat inuusuttullu taamatut atugaqartut immikkut eqqarsaatigineqarsinnaanissaat ajornarunnaarpoq. Nuannaarutigaara, Inatsisartut isumaqatigiissut meeqqanik inuusuttunillu video atorlugu apersuisarnermut maleruagassanik allannguinissaq tapersermassuk. 

Atuaruk: Naalakkersusoq: Aningaasarsiat annertunerit naammanngillat

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER