Video: Arfanniat Issittumi Sakkutuunit akorngusersorneqartut
Piniartut sisamanngormat arfanniarnneranni Issittumi Sakkutooqarfiup umiarsuaanit akorngusersorneqarsimapput. Inuunermut navianartorsiortitsillutik iliuuseqarput, piniartut ilaat oqarpoq. Issittumi Sakkutooqarfiup pisimasoq ajuusaarutigaa.
Piniartut umiatsiaaqqat 15-it atorlugit Nuup Kangerluani arfanniarlutik ulapputilerutttortut, Issittumi Sakkutoorqarfiup umiarsuaa alapernaarsuut Ejnar Mikkerlsen miiterialunnik qanitsigaluni sanioqqussimavoq.
- Ulorianarluinnarpoq. Inuunermik naleqarsinnaagaluarpoq. Arfanniarnerput unitsikkallarsimavarput, inuummi inuunera arferup neqaanit pingaaruteqarnipilussuummat, Aslak Jensen Sermitsiaq.AG-mut oqarpoq.
Aslak Jensen piniartut arfanniat ilagisimavaat. Arfeq naalinniarlugu piareeruttortoq ikinngutaasa ilaat usserartorluni tunummut qiviaqqusisimavoq.
- Sangusimanngitsuugutta umiarsuup aporsimassagaluarpaatigut. Umiarsuaq aatsaat akornatsinnut pigami arriillivoq. Taamaalilluta arfeq seqqortaarsinnaajunnaarparput, Aslak Jensen oqarpoq.
Naammagittaalliorniartoq
Arfeq umiarsuarmit alapernaarsummit qimagutsinniarlugu, umiatsiaaqqaniit piffissami sivisulaami sangutinniarneqareerluni sangummat, umiatsiaaqqanit seqqortaarneqarsinnaalersimavoq, taamalu toqullugu pisarineqarluni. Arfanniarneq pisariaqanngitsumik pilersaarutaasumit sivisunerusimavoq.
- Umiarsuaq alapernaarsuut akorngusersuivoq. Inuussutissarsiutigalugu piniartuuvugut, piniaraangattalu sulisarluta. Issittumi Sakkutooqarfik attaveqarfigissamaarpara, iliuusaallu pillugu naammagittaalliorfigalugit. Iliuusaat ataqqinninnerunngilaq, Aslak Jensen oqarpoq.
Issittumi Sakkutooqarfik: Piniarneq akorngusernianngikkaluarparput
Issittumi Sakkutooqarfik Sermitsiaq.AG-mut allakkatigut akissuteqarnermini ilisimatitsivoq, Ejnar Mikkelsen suliassaqarluni angalasimasoq, aamma piniarnerup akornguserneqarnissaa siunertarineqarsimanngitsoqn.
Umiarsuarmi naalakkap pisimasoq imatut nassuiaateqarfigaa:
- Ejnar Mikkelseninimi imartaq amitsoq ingerlaarfigisussanngorlutigu umiatsiaaqqat sukkasuuliat quliniit 15-inut amerlassusillit takusinnaasimavavjt. Umiatsiaaqqat sukkasuumik allamut sangupput ingerlaarfipullu akimorlugu ingerlaalerlutik, katersuuteqqipput sukkasuupilussuarmillu ingerlaarfipput akimorlugu ingerlaqqilerlutik, umiarsuarmi Ejnar Mikkelsenimi naalagaq oqarpoq, nangillunilu:
- Ejnar Mikkelsen umiatsiaaqqat ataatsimoorneranni avaqqullugit ingerlaniarsarisaraluarpoq, umiatsiaaqqalli tamatigut avissaarlutik aallariarlutik katersuuteqqittarput. Ejnar Mikkelsen umiatsiaaqqat sapinngisamik qanillinaveersaarniarlugi kimmut aallarpoq, siunnerfillu aalajangersimasooq inerlaarfigilerlugu umiatsiaaqqanik akorngusiiumanani.
- Aatsaat taamalinerani arferit takulerpavut kujammut ingerlaartut. Umiatsiaaqqat taamaalimmat umiarsuaq alapernarsuut sammiveqatigalugu ingerlaalerput. Umiatsiaararpassuit ataatsimoornerat igitsisoqartarneralu pissutigalugit aalajangerpunga, Ejnar Mikkelsen siunnerfiup tungaanut ingerlatiinnarniarlugu sukkassusaalu allanngortinniarnagu, tassa igitsisarnerisa akornanniinnginnissarput pissutigalugu.
Attaveqarsimanngitsut
Ejnar mikkelsenimi inuttat malugniarsimanngilaat, umiatsiaaqqanit umiarsuaq alapernaarsuut attaviginiarneqarsimanersoq.
- Soorlu aamma kanal 16-ikkut Ejnar Mikkelsen attaveqarfigineqarsimanngitsoq, umiarsuarmi naalagaq oqarpoq.
- Issittumi Sakkutooqarfimmit Ejnar Mikkelsenimillu ajuusaarutigineqarpoq, piniarneq ajornarsitinneqarsimammat. Issittumi Sakkutooqarfimmit kaammattuutigineqarpoq, imaatigut angalaanermi attaveqarnissamik pisariaqartitsisoqartillugu kanal 16 atorneqartassasoq, Issittumi Sakkutooqarfik allappoq.
Du kan se video af Jacob Emanuelsenip arfanniarnermut peqataasimasup videoliaa uani aamma takuneqarsinnaavoq:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...