Video takuuk: Sisimiuni tasermi sukkaniunneq
Sisimiuni qamuteralalluni, watercrosserluni, tasermi sukkaniunneq ukiup aappassaa sukkaniutsitsisoqarpoq
Sisimiuni Nalunnguarfiup tasiani, kulturikkut illorsuup Taseraliup eqqaani, arfininngormat qamuteralualluni tasikkut sukkaniutsitsisoqarpoq. Sukkaniutsitsineq aamma ukioq kingulleq ingerlanneqarpoq.
Sisimiuni qamuteralattartut peqatigiiffiat 'Qamuteralaat' sukkaniutsitsineq aaqqissuuppaat, Arctic Star pisumut pingaarnertut aningaasaliisuulluni. Unamminermi qamuteralaat arfineq pingasut peqataapput.
- Sukkaniutsitsineq sorutigineqarluarpoq unammeqataasunullu tapersersuisoqarluarluni. Kommunimit akuerineqarsimanerput nuannaarutigaarput. Peqataasussanut sukannersunik piumasaqaateqarpugut, immikkoortumi innarliisoqannginnissaa pingaartillugu. Tassani orsussap minnerpaaffimmiitinnissaa peqataasunut piumasaqaatigisimavarput, qamuteralattartut peqatigiiffianit oqaatigineqarpoq.
Maniitsumit ukioq kingulleq ajugaasoq Angudt Petersen, ukioq manna ajugaaqqippoq. Anngooraq Josefsen aamma Brian Enarson aappaattut pingajuattullu inissillutik.
- Aappaagu watercrossertoqaqqinnissaa siunnerfigaarput. Isiginnaartunut soqutiginarnerulernissaa sulissutigissavarput, aamma neriuutigaarput Nuummit Maniitsumiillu peqataasoqarumaartoq aappaagut, siulersuisunit oqaatigineqarpoq.
Pisumit videoliaq ataani takuuk: