Video takuuk Laakkuluk Williamson Bathory nutaanik suliniuteqartoq

Kalaallip eqqumiitsuliortup Laakkuluk Williamson Bathoryp, ulluinnarni Nunavumi najugaqartup uaajeertarnerminik ilisimaneqarluartup, torlorsortartoq Tanya Tagaq suliniutinut marlunnut suleqateqarfigaa. CBC taama ilanngutassiivoq.

Musikvideo
Taakku marluullutik musikvideomi Tanya Tagaqip nuuteeraliaata Retrebutionip (akiniaaneq) saqqummernerani saqqummertumi inuttaaqataapput.

Musikvideomi inuit nunaatiminnik annaasaqartarnerat aamma arnat nukittuffii sammineqarput. Taakkulu isummat akiniaaneq aamma saammaateqatigiinneq, suliniutinut marlunnut atatillugu qitiusumik oqariartuutigineqarput.

Vancouver
Musikvideop saniatigut taakku marluulutik arnat eqqumiitsuliortut allat peqatigalugu oktobarip 27-anni Vancouverimi suliniummut #CallResponsemut atatillugu takutitsipput, tassani saammaateqatigiinneq sammineqarpoq.