Skip to main content

Video takuuk: Maasi 35.000-inut Smukfestimi tusarnaartitsisoq

Kalaaleq rappertartoq TV-2-kkunnik tusarnaartitseqataaqqippoq

Nipilersoqatigiit ilisimaneqarluartut TV-2 kalaallimik appeqateqarput, tassani sapaatiummat unnukkut Smukfestimi inuit 35.000-t saavani appipput.

Maasi nipilersorfimmi
Tassanilu Maasi, Mads Pedersen, nipilersortut qaaqqusat ilagaat.

Maasi TV-2-kkut Nuummi 2013-imi tusarnaartitsinermi immiussami nuusiaanni 'Greatest Greenland'-imi aamma peqataasoq - 'Popmusikerens vise'-mi rappeqqippoq, taanna appinnissamut immikkut nutaanngortinneqarsimavoq.

Alutornartoq
- Maasimi Nuummi arlaleriarluta appeqatiginikuuarput, rappertariaasialu alutorisarlugu. Taamaammallu isumaqarpugut Danmarkimi misigineqartariaqartoq, Steffen Brandt nassuiaavoq.

Atuaruk: Atlantikoq akimorlugu rockimik nuannarisaqaqatigiinneq

Nuannernerpaaffia
Ekstra Bladetip naliliisartuata, Henrik Quitschip, taakku atugaat unnummi nuannernerpaaffiusut siullersarigaat allappoq, nipilersornermullu atuagassiap Gaffap nalililiisartuata, Ole Rosenstand Svidtip, Maasip rappernera sukkasuutut nalilerpaa.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER