Skip to main content

Video takuuk: Kalaallit ussassaarusiaat soqutigineqarluartoq

Suliffeqarfiit angivallaanngitsut nammineerlutik ussassaarusiorsinnaalluarput. Tamanna Ilulissat Water Taxip takutippaa, nittartakkatigullu takutitassiaq ussassaarinerusoq siammarterneqaqattaarluni

Takutitassiaq ussassaarutaasoq Ilulissat Water Taxi-mit suliarineqarsimasoq Hollywood-imisut sanaanngorlugu suliaavoq, inoqatinullu attaveqaatinut saqqummiunneqaqqammerluni. 

Ussassaarut Espen Andersenimit suliaavoq, tassungalu tunngatillugu ima oqarpoq:

- Ukiut qulit matuma siorna una suliariniarsimagaluarutsigu iluatsissimanavianngikkaluarparput maannakkut aningaasaatigut atorlugit. Teknologimili atortorissaarutit maannakkut pitsaalluinnartut atorlugit, immiussutit suliarineralu akikingaarmata, suliarinissaanullu piumassuseqaraanni, taava akisunngikkaluartumilluunniit pitsaasumik suliaqartoqarsinnaavoq. 

- Assit uumassusillit imaattunik suliaqarnermi pingaaruteqarluinnarput. Assit nalinginnaasut atorneqarsinnaagaluarput, videoli atorlugu suliaqaraanni suliaq uummaarinnerulersarpoq. Takutitassianulli isiginnaartoqarlualernissaq ajornakusoortarpoq. YouTube-mut ikkussissagaanni minutsimut akunnernut 100-t ikkussisoqartarpoq, taamaattumik arlaannik nutaaliaasumik iliuuseqanngikkaanni inuit isiginnaartut soqutigineeruttarput. 

Nuannerlunilu qungujunnartulik
Vist Greenlandimi tusagassiuutinut akisussaasup Malik Milfeldtip Espen Andersenip oqarnera isumaqatigaa.

- Takutitassianik isiginnaarluartoqarusukkaanni assit atorneqartut uummaarissuusariaqarput. Taamaattumik nunanit allaneersunik tusagassiortunik qaaqqusinissarput pisariaqartittarparput, taakkumi assinik uummaarissunik suliaqartarmata, Malik Milfeldt oqarpoq.

- Neriuutigaarput Espenip suliaa qungujunnartortalik inuit attaveqaateqarfiini ingerlalluarumaassasoq. Neriuutigaarput aamma takornarialerinermik ingerlatsisut allat una ilinniarfigiumaassagaat. Suliamik pitsaasumik takutitassiigaanni oqariartuutillu saqqummersilluaraanni angusaqarluartoqarsinnaavoq. Unami takutitassiaq ussassaarutaasoq naatsunnguuvoq suliarilluagaallunilu, Malik Milfeldt tusagassiutinut nalunaarummi oqarpoq. 

Espen Andersenip naqissuserpaa videoliorneq akilimmik ingerlanneqartoq. 

- Piginnittussaanermut inatsisit malillugit suliaqartoqartariaqarpoq, tassani assitaritinneqartut, nipilersuutitaa, oqaluttoqarnera, arlaannillu allanngortiterisimagaanni software-ri atorneqartut tamaasa eqqortumik atorneqatussaapput, Espen Andersen oqarpoq. 

Ussassaarusiaq YouTube-kkut, Facebookikkut allanilu inuit attaveqaateqarfiini siammarterneqassaaq. 

Assitaritinneqartumi ussassaarusiaq Ilulissat Water Taxi takuneqarsinnaavoq

Takutinneqartoq qanoq isumaqarfigaajuk?

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER