Skip to main content

Video takuuk: Kalaallit nipilersuutaannik nutaajunerusunik nittartakkakkut tusarnaartoqarsinnaalersoq

Kalaallit Nunaanni nipilersornerup silarsuaa music.greenland.com-ikkut malinnaaffigineqarsinnaalerpoq

Arny Koor Mogensen filmiliortoralugu Maria Motzfeldt aamma Nive Nielsen music.greenland.com minutsini marlungajanni nittartakkap ammarnera ussassaarutigaat. 

Nittartagaq Visit Greenlandimit aningaasaliiffigineqarpoq. Kalaallit Nunaanni nipilersortartut nunarsuarmioqatitsinnut saqquminerunissaat anguniarlugu nittartagaq sananeqarluni. 

Ingerlatsisuuvoq Visit Greenlandimit Malik Milfeldt. Taassumalu oqaluttuaraa kalaallit nipilersortartut Small Time Giants Islandimiut musikfestivaliannut Airwavesimut tusarnaartitsinissaat anguniarlugu nittartagaq sananeqartoq. 

- Tassanngaannit eqqarsalerpugut annertunerusumik suliaqarniarluta. Kalaallit nipilersortarnerat nunarsuarmioqatitsinnut siammartikkusupparput. Nipilersortarnermi kulturitsinnut attuumassuteqarluinnarpoq, kinaassutitsinnut ilaavoq kiisalu Nunatsinnut avatitsinnullu attaveqartitsilersartoq, Malik Milfeldt Sermitsiaq.AG-mut oqarpoq. 

Nittartakkami pingasunik bloggereqartoq Visit Greenlandimit maluginiaqquneqarpoq. Tassani nipilersorneq qanoq annertutigisumik sunniuteqarsimanersoq allaaserineqartassalluni. Bloggeriupput Mads Lumholt, Pipaluk Lind aamma Tanny Por. 

Video qulaani takuuk

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER