Politikki
Video takuuk: Inuit Ataqatigiit Folketingip ukiua kingumut qiviarpaat
Folketingimut qinersinerup ukiumik ataasinngortorsiornerani Inuit Ataqatigiit Folketingimi-p, ukioq kingumut qiviarpaa. Partiip illua'tungiliuttup angusani tulluusimaarutigai
Ukiup ataaserpiaap matuma siornatigut Aaja Chemnitz Larsen (IA) aamma Aleqa Hammond (S) Folketingimut qinersinermi qinigaapput.
Ulloq malunnartinniarlugu Inuit Ataqatigiit ukiumut ulapiffiusimasumut taasiminnut, takussutissiamik videoliorsimapput.
Angusarpassuit
– Folketingimi naalakkersuisunut tunngavimmi, issittumi inatsisartunut ilaasortat komité-anni folketingip tamarmiusup sinniisuatut aammalu Europarådimi Kalaallit Nunaannit sinniisut siullersaattut Inuit Ataqatigiit malunnaateqarluarsimapput, Aaja Chemnitz Larsen tusagassiorfinnut nalunaarutikkut oqarpoq.
– Tulluusimaaarutigaara kalaallit folketingimut ilaasortat aningaasanut inatsisip isumaqatigiinniutiginerani peqataasarnissaat, imminnullu namminerlu isummaminnik saqqummiussisarnissaat, uanga nammineerlunga sorsuutigisimagakku. Tamanna oqaluttuarisaanermut pingaaruteqarpoq, Kalaallillu Nunaannut iluaqutaassalluni qinigaaffimmi matumaniinnaanngitsoq, aammattaarli siunissami, Inuit Ataqatigiit sinnerlugit Folketingimut ilaasortaq oqarpoq.
IA-p Folketingimi sulinerminit filmi takussutissiaa ataani isiginnaaruk