uranimik oqallinneq
Video takuuk: Hammondimik issuaaneq siammarterneqartoq
Maanna 7.000-eriarluni takuneqareerpoq - Københavnimi pingasunngormat tusarniaanermit nipi immiussaq, tassani Aleqa Hammondip uranimut tunngatillugu politikkini nassuiaappaa
Folketingimi Kalaallit Nunaannut ataatsimiititaliaq pingasunngormat tusarniaanermut aggersaammat, politikkikkut uranimut apeqqut pillugu akerleriittoqarpoq.
Tamannali aamma politikkikkut nutaanik ammaassivoq, Sermitsiaq.AG-p ullormi tassani tamanna allaaseraa.
Quiassuaatinik titartaasartoq ilisimaneqarluartoq Robert Holmene, amerlasuut Buuarsikkunnik titartaasarneranik ilimasaat, sisamanngormat Aleqa Hammondip (S) oqaatigisaanik malugisaqarpoq.
Video takuuk: IA uranimik tusarniaatitsivoq
Titartaasartup Kuannersuarni piaaffimmut akerliusup, Hammondip oqaaseqaataata ilaanik isumaqatiginngisaminik siammarterivoq, videolu maannamut 7.000-t sinnerlugit takuneqareerpoq.
Kukkusumik ukkassineq
Kujataani uranimut pilersaarutit pillugit tusarniaanermi oqaatsinut isornartorsiuisunut folketingimi politikeri videomi qisuariarpoq.
Atuaruk: Aleqa Hammondip Wikipediami allagarsiussaani piiaasoq
- Una inuit napparsimalertinneqarnerannut apeqqummut tunngasuunngilaq. Una iliuutsit eqqortumik eqqunngitsumilluunniit pineqarnerannut tunnganngilaq, taanna tusarnaartunut naqissusiivoq.
Video uani takuuk
- Una innuttaasut namminersorusuttuullutik kissaateqarnerannut tunngavoq, inuiqatigiit atasinnaasumik aningaasaqarnerannut.
Politikeri nammineq Facebookimi allappoq, tusarniaanermit oqaatsit kisimik isiginiarneqaratik ataatsimut ataqatigiinnerat isiginiarneqassasoq.
Uani ataani oqaaseqaat pineqartoq quiassuaatiginnilluni titartaasartup Facebookiani takusinnaavat
Taassuma ataani Folketingip nittartagaanit video tamakkiisoq ikkupparput. Oqaaseqaat 52 minutsit missaat ingerlareernerani saqqummerput