Arctic Circle Race
Video takujuk: Ullup aappassaani tuluit nuannisartut
Sisimiuni Arctic Circle Race ingerlanneqarnerani ullup aappassaani alianaassioput. Kajumissutsimiinillu ikiuuttut tulunnit pingasunik illersuinerat nuannernerpaavoq.
Phil Rose, Andy May aammalu Justin Adams Tuluit nunaanneersut, Arctic Circle Race ingerlanneqarata ullup aappassaa nuannisaarutigaat.
Silagissuup ataani Kalaallit Nunaata kusanassutsini takutippaa.
- Silageqaaq, pinngortitaq kusanaqaaq qaqqakkoornerpulli alianaannerpaavoq, Phil Rose oqarpoq.
- Pinngortitaq kusangeqaara, Justin Adams ilassuteqarpoq.
Tallimanngormat silarlussiorsimaneq takuneqarsinnaavoq.
- Ippassaq (tallimanngorneq) sakkortoqaaq, Phil Rose oqarpoq.
- Ippassaq kusaginngilara, ikinngutaa qungujulluni ilassuteqarpoq.
Alianaatsumili pinngortitaq sunniuteqartaqaaq.
- Nuna kusanarnerpaavoq, Any May oqarpoq.
- Allaaqqissumi seqinnernera, simmikkuullarissuuvoq.
- Nuannernerpaavorli, kajumissutsiminnik ikiuuttut takunnikkaangamik qiimmassaasartut. Nuannersumik misigisimanartarpoq, tuluk qiimaqaluni oqarpoq.
Taakku pingasuullutik Norgemi sungiusartarsimapput, sungiusarsimanerusinnaangaluarlutillu oqaatigaa. Tuluit nunaannilu tamanna ajornakusoorpoq.
Taakku pingasut ataani videomi takukkit: