Skip to main content

Video takujuk: Vesterbromi ikuallanneq: Najugaqartut 27-t qimarngunneqarput

Københavnimi illorsuarmi najugaqarfimmi, ilaatigut kalaallit arlallit najugaqarfigisaanni, arfininngornerup unnuaani majuartarfiani ikuallattoqarpoq. Najugaqartut 27-t qimarngunneqarput

Københavnimi Qatserisartut arfininngornerup unnuaani Vesterbromi Colbjørnsensgade-mi illumi ikuallanneq qamiterpaat.
– Illumi tallimanik quleriilimmi majuartarfiit ilaat annertuumik ikuallappoq. Inuit 31-t biilillu qatserutit 11-t qatseripput, tamatumalu saniatigut nakorsat marluk ambulancillu arfineq-pingasut takkupput, Københavns Brandvæsen-imi qatserinermut pisortaq Michael Møller oqaluttuarpoq.
– Ikuallanneq allerpaamit aallarteriarluni inneq majuartarfiit qummut naallugit siaruaassimavoq, taanna oqaluttuarpoq.
Ikuallanneq qaminneqareerpoq. Københavns Politi naapertorlugit najugaqartut 27-t qimarngunneqarput, pingasullu maanna Rigshospitalimi traumeafdeling-imi uninngapput putsumik iioraasimanersut misissorlugit.
Ikuallanneq kalerrisaarutigineqarpoq ullaassakkut pingasut missaani.
Qatserisartut oqaatigaat najugaqartut illup tunuatigut majugartarfikkut qimarngunneqarlutillu qatserutit majuartarfii atorlugit qimarngussorneqartut.
Pinartumik ajoqusertoqarsimagunanngilaq.
– Akunnittarfinni marlunni saaffiginnittarfiit atorpavut inunnut qimarnguittut, Københavns Politi-ni pigaartut naalagaat Jens Kristiansen oqaluttuarpoq.
Ikuallanneq sumik pissuteqarnersoq sumilu aallartissimanersoq suli ilisimaneqanngilaq.
Illorsuaq arlalinnik immikkut inissiartaqarpoq, pingaartumik kalaallinit najugaqarfigineqartunik.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER