mittarfiit
Video takujuk: Qaqortumi mittarfissaq ima isikkoqassaaq
Ulluni makkunani Kalaallit Airports A/S-ip siulittaasua Johannus Eghold Hansen aammalu pisortaanera Steffen Ulrich-Lynge Qaqortumi tikeraarput, Qaqortumi mittarfissap suliniutigineqarnerata killiffia ilisimatitsissutigiartorlugu
Kalaallit Airportsip Qaqortumi mittarfissaq Kommune Kujallermi kommunalbestyrelsimut saqqummiussimalerpaa.
Kalaallit Airports A/S-ip siulittaasua Johannus Eghold Hansen aammalu pisortaanera Steffen Ulrich-Lynge ulluni makkunani Qaqortumi tikeraarput, mittarfissap suliniutigineqarneranut pilersaarutit saqqummiukkiartorlugit aammalu mittarfissap inissisimaffissaa qimerlooriartorlugu.
Assit takukkit: Qaqortumi mittarfimmut misissueqqaarnernut qaartitsinerit
Ukiuni arlalinni utaqqineq
1. viceborgmester Simon Simonsen (S) siuttoralugu ullaap tungaani mittarfissap inissisimaffissaa misissuataarneqarpoq, tamatumalu kinguninngua Kommunalbestyrelsemi ilaasortat najuuttut aammalu videokonferencekkut telefonikkullu peqataasut kiisalu kommunemi atorfilittat, Kalaallit Airports A/S-imit killiffimmik nassuiaanneqarput apeqqarissaarlutillu, kommuneqarfik tusagassiuutinut nalunaarummi allappoq.
Atuaruk: Qaqortumi timmisartoqarfeqarnissaa imminut akilersinnaava?
- Assorsuaq killiffimmik ilisimatinneqarnerput iluarisimaarpara, mittarfissap - ukiorpassuarni oqaluuserineqartartup timitalerneqanngisaannarsimasulli - kiisami timitalerneqartussanngornera, kommuneqarfimmi 1. viceborgmester Simon Simonsen tusagassiuutinut nalunaarummi oqarpoq.
Una toorlugut Qaqortumi mittarfissap qanoq isikkoqarnissaa takusinnaavat