Skip to main content

Video: Nina erinarsuummik nuannersumik atugaqartoq tusarnaaruk

Nina Kreutzmann Jørgensenip Facebookimut ilisaa ataasinngormat amerlasuunit takuneqartareerpoq. Nunanit avannarlerneersunit arnanik suleqateqarpoq, arnat misigisaat oqaluttuarineqartarlutik

Nina Kreutzmann Jørgensenip Katuami 2013-mi tusarnaartitsinermini oqaatigaa qallunaatut saqqummersitsinissani anguniarlugu. 

Nina ukioq kingulleq septembarip 13-ani guitarerluni nipilersoqateqarlunilu siullermeerluni tusarnaartitsivoq. 

Nipilersortartoq erinarsortartorlu ataasinngormat videomik Facebookimi ikkussivoq. Angerlarsimaffimmini immiussaavoq 'Maalia'-lu atorlugu, taanna inunnit amerlasuunit takuneqareerpoq, nuannarineqaqaarlu. 

Nina Kreutzmann Jørgensen Sermitsiaq.AG-imut oqaluttuarpoq:

- Arnat nunat avannarlerneersut inuunerminni misigisaat pillugit oqaluttualiorusuppunga. Nerisaqarnermit ajornartorsiornermit ningarnermut tunngassuteqassapput. Ulluinnarni oqaluuserineqanngisaannartut oqaluttuarineqarnissaat pingaartippara. Cd-mi oqaluttumik ilaqassaaq, tassani arnat sammineqassallutik qanoq ittorpiaanersut. Taanna kalaallisut nutsertikkusuppara, takorloorparalu danskisut ilinniartitsinermi atorneqarsinnaassasoq. 

Oqaatsit nammineq atorlugit erinarsorneq
- Oqaatsikka atorlugit erinarsornera iluarusuutigisorujussuuvara, misigaangalu ajunngitsuusoq. Taalliortarnera soorlu nunarsuarmi allamiilersoq, sunami tamaat ammartutut immat. Maannakkut suliara suliariniarlugu ilinniartitsisutut sulinera unitsippara. Inersimasut suliffeqarfiillu ammarnissamik sungiusaarusullunga, misigissutsit suliaralugit, tamarmillu erinarsorneq akuutinneqartassaaq allarpassuillu, Nina Kreutzmann Jørgensen oqarpoq. 

- Saqqummersitassat qaqagu naammassissangatippiuk?

- Maannakkut demomik sananissarput sulissutigaarput. Neriuppunga nalunngisakka nipilersortartut ikiuiumaartut. Immiussarput Savalimmiunut nassiutissavara, tassani immiussisarfimmik nalunngisaqarpunga. Producerip ikiorsinnaassappanga saqqummersitassaq ukiaru aallartissavara, tamanna neriuutigaara. Imaassinnaasoq decembarimi imaluunniit ukiup tulliuttup aallartinnerani saqqummertoq. Sivisuumik saqqummersitassaq suliarissavara, tassami kisimiillunga suliarisussaagakku. Suliaralugu nuannareqaara. Neriuppunga saqqummersitsinissannut inuit utaqqisinnaajumaartut. 

Erinaq pillugu Nina Kreutzmann Jørgensenip oqaasii ataani atuakkit. Atugaa nuannersoq aamma tusarnaarneqarsinnaavoq. (Una tooruk appissinnaanngippat)

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER