Kalaallit Airports
Video: Mittarfittaassaat pingasut silaannarmit takukkit
Mittarfinnik talliliinissamut suliniutit pingasut aningaasanik 3,6 milliardit koruunit missaani akillit, Kalaallit Airportsip videoliarisimasai takuneqarsinnaalerput.
Nunatta oqaluttuarisaanerani sanaartugassanut suliniutigineqartut sooq taama akisutigissanersut videot assitalersorluakkat takutippaat.
Qaqqat annertuut peerneqassapput
Mittarfissani tamani qaqqat annertuut qaartitserneqassapput, nutaanik terminaliliortoqassaaq mittarfinnulli aqqusernit allanngortiterneqanngikkunik aallaqqaataaniit sanaartorneqassallutik.
Videoni timmisartup aqquttarfiani issiasoqarpoq, tassanilu mittarfiit illoqarfiup sukutsianiissanersut takuneqarsinnaallutik, minnermilu mittarfiit illutassaat sanaartorneqartussat qimerloorlugit sanioqqunneqassapput.
Qitequserit
Qarasaasiarniit timmisartorit – una toorlugu:
2018-imut aningaasanut inatsisissatut siunnersuummi Nuummi, Ilulissani Qaqortumilu mittarfiit pingasut tallineqarnissaat qanoq aningaasalersorneqarsinnaanerat saqqummiunneqarpoq. Tamanna Tele-Postip, Air Greenndip sinneqartoorutaannit, nunatta karsia sinneqartoorutaannit kiisalu utoqqalinersianut katersivimmit aningaasalersorneqarnissaat takorloorneqarpoq.
Atorniarluni aningaasalersuineq
Aningaasaqarnermut naalakkersuisoqarfimmi atorfilittat suliniummut 1 – 1,5 milliardit akornanni aningaasaliissutigineqartussatut missingersuusiorsimapput, sinnerilu aningaasanik atorniarnikkut aningaasaliissutigineqassallutik.