Video: Kalaallit ussassaarusiortartut nutaamik saqqummiisut

Ilulissat Water Taxip ussassaarutiliaa siulleq nuannarineqarluarpoq. Assit assigiinngitsut atorneqarput, oqaluttoq Hollywoodiminngaanneersutut qatitutigaaq, nipilersuutigilluarpoq amerikarmiorpalaarlunilu. Immami taxa 'Ice Force One'-mik ateqarpoq.

Maannakkullu ussassaarummik allamik sanaqqipput. Suli amerikarmiorpalaartuuvoq, maannakkullu inummik nalinginnaanngitsumik peqataasoqarluni... imaluunniit? Ussassaarut takugussiuk nammineq paasiumaarparsi kina pineqarnersoq.

Ilulissat Water Taximi piginnittoq Espen Andersen Sermitsiaq.AG-imut oqaluttuarpoq telefonsvareriminut immiussinermini ussassaarusiassaq isumassarsiarisimallugu.

- Telefonsvarimi Hollywoodermiorpalaartumik oqaluttoqarnissaa eqqarsaat nuannarigakku piviusunngortinniarsimavara, kiisa maannakkut videoliaaranngorpoq.

Video YouTube-mi ullumi siullermeerlugu takuneqarsinnaavoq.

Video qulaani takuuk