Skip to main content

Video: Inuusuttut inuusoqatiminnik ikiuisut -kajumissutsimikkut sulerusuttunik ilassarsiorput

Kalaallit Røde Korsiata ataani ingerlasoq Inua ukiup affaata tullinnguuttup iluani pikkorissaanerpaalunnik ingerlatsinialernermini ulapittussanngorpoq

Kalaallit Nunaata Røde Korsiata inuusuttunut ingerlatsivia Inua pikkorissaaqattaassaaq qaammatini tulliuttuni.

Inua uani qaammammi aallartittumik juunip tungaanut ingerlasussamik illoqarfinni ukunani pikkorissaallutik aallartilerput: Nuuk, Ilulissat, Aasiaat, Sisimiut, Qeqertarsuatsiaallu.

Inuusuttunik kajumissutsimikkut sulerusuttunik pissarsiorneq aallartippoq taamaammat Inua aggersaavoq piumasunut matu ammavoq marl. februarip qulingat nal. 16.30 Ole´s Varehusikumi.

Ilulissani Inua matuminik ammatitsivoq sisam. februarip 12-t nal. 19.00 Piareersarfiup nerisarfiani. 

Illoqarfinni taakkuani marlunni inuusuttut 30-t tungaanut ukiullit kajumissutsimikkut sulerusuttut Inuata tikilluaqquai, kaffeqarlunilu kaageqassaaq, aggerlutit Inuani sulerisarnersut paasiniaagit, kinaluunniit tikilluaqqusaavoq tusarniaanissaminut.

Sammisassaqartitsinerit
KRK-Inua tassaavoq Kalallit Røde Korsiata Inuusuttunut Immikkoortortaa. (Kalaallit Røde Korsiat Inuusuttut NUkittoqAtigiit). Inua inuusuttunik kajumissutsimikkut sulerusuttunik pissarsiortarpoq. Kajuminnikkut suliassaasarpoq illoqarfigisami inuusuttunik pilersaarusiukkanik sammisassaqartitsineq sap.ak. ataasiarluni pisartussaq.

Suleqateqarsinnaanermik imaqartarput tassami inuusoqatit pilersaarusiornermi piviusunngortitsinermilu suleqatigiuarneqartartussaammata.

Eqimattattut suleqatigiinnermi pingaarutilerujussuuvoq immikkut ataasiakkaat tamarmik tunniussaqartarunik suliap tamakkiisunngorluni angusaqaataanissaa anguniarlugu. Misilittagaqalernermi siunissami inuunerup ingerlanerani naapittarumaakkanut akersuuffigisassanut nukittorsaatitut inummut tuttartussaavoq.

Inuata qulakkeertartussaavaa inuusuttut naak inuttut assigiinngikkaluaqalutik imminnut naapeqatigiillutik misigisaqaqatigiittarnissaat. Inuata anguniagaraa inuusuttut nunatsinni nukittorsarneqarnissaat inuusoqatitik peqatigalugit.

Allaaserisap qulaaniittoq isiginnaagassiaaraq takujuk paasisaqarfigalugu Inuata suna sorsuutigineraa. Isiginnaagassiaaraq nukinnik kajumittunik suliaavoq. Isiginnaagassiaaraliortuullunilu, filmiliortuullunilu nipilerisuuvoq Inua-ni suliffimmik misiliisoq Naja Kathrine Lauritzen, killuisuullunilu iluarsartuussisuuvoq Mathien Levassoq oqaluttuuvoq Mike Fencker Thomsen.Isiginnaagassiaaqqami peqataasut tassaapput Nuummi kajumissutsimikkut sulisut.

Allaaserineqartoq Kalaallit Røde Korsiat suleqatigalugu Sermitsiaq.AG-mi saqqummiunneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER