Skip to main content

Video: Ima eqaluppassuarnik pisaqarsinnaavutit

Sara Lindskov Jacobsen assamminik eqalunniartarpoq

Sara Lindskov Jacobseni assani atorlugit eqalunniartoq takullugu ajornanngippasissumik pisaqartarpoq. Nuup Kangerluani akunnerup naanerani Qooqqumiinnerminni angajoqqaani ilagalugit eqalunniarput. Qooqquni eqaluppassuarnik pisaqarput. Akunnerup affaata ingerlanerani Sara eqalunnik 15-nik pisaqarpoq. 

- Periuseq suna atorlugu eqalunniartarnerit oqaluttuarisinnaaviuk?

- Eqaluit suffisut tasermukannginnerminni kuuit ikkannersaaniittarput. Siammasittarmata pisarinissaat ajornakusoortarpoq. Taamaattumik anaanamma eqaluit qunusaartarpai uannut tunginnukartillugit. Assara eqalunnukartittarpara attulaartarlugit. Eqaluit isumaqartarput uanga aamma eqaluusunga. Eqaluup masiitigut tigusarpakka, iperarsinnaajunnaaraangakkillu qaqittarlugit. 

- Periuseq qanoq ilinniarpiuk, nammineerlutit ilikkarpiuk?

- Siullermik eqaluit uanga tunginnukartinniarlugit ujaqqamik kuup akianut milorujussisarpunga. Tungitsinnukatallattarpoq, taava anaanamma tungaanukartarput. Anaanamma assani aalatittarpai, taamaasilluni eqaluit uanga tunginnukartarlutik, 20-nik ukiulilk Sara Lindskov Jacobsen Sermitsiaq.AG-mut oqaluttuarpoq. 

Video qulaani takuneqarsinnaavoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER