Video eqqumiigineqartoq: Portørit illersuuteqartut filmiliarineqarsimasut

Portørit illersuutinik atisisimallutik Nuummi mittarfimmi timmisartup eqqaaniittut filmiliarineqarsimasut, nittartakkakkut attaveqatigiiffinni qisuariarfigineqangaatsiarput.

Videoliami takuneqarsinnaapput portørit illersuutinik atisisimallutik Nuummi timmisartoqarfimmi timmisartumut angalasumik aallersorinarsinnaasut.

Video pineqartoq Sermitsiaq.AG-p pissarsiaraa.

Sermitsiaq.AG-p portørit sooq illersuusertariaqarsimanerat pisariaqarsimanersoq paasiniaraluarpaa. Nittartakkatigummi attaveqatigiittarfinni inuk coronavirusimik tunillatsissimasinnaasoq pineqarnersoq oqallisaalersimavoq. Allalli isumaqarput pualluummik tuberkolosemik napparsimasoq aaneqarsimasoq.

Mittarfimmili tallimanngornermi pisut pillugit Sermitsiaq.AG uppernarsaasinnaasumik pissarsisimanngilaq.

Dronning Ingridip Napparsimmavissuanit oqaaseqartoqarumasoqanngilaq susoqarsimaneranillu ilisimasaqannginnerartoqarluni.

Nuummi Politiini pigaartunit tamanna aamma nalunaarutigineqarpoq, ippassarlu pisimasut nalunaarsorsimasuni pineqartoq ilaanngitsoq ilisimatitsissutigineqarluni.

Nakorsaaneq Henrik L. Hansen, nappaalanersuaqarneranut ataatsimiititaliarsuarmi ilaasortaasoq, Sermitsiaq.AG-p aamma attaveqarfigigaluarpaa, pisorli taassuma aamma ilisimasaqarfiginnginnerarpaa.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS