kusanaatsuliaq
Video: CNN-ip ilisarnaataa Donald Trumpip tillukkaa
Sulinerput ingerlatiinnassavarput, Trump-ilu aamma sulinini aallartittariaqaraluarpaa, CNN oqarpoq.
USA-p præsidentia, Donald Trump, amerikamiut tusagassiuuteqarfissuinut saqitsaateqatigiinnertik annertusippaa.
Taanna sapaatiummat 28 sekuntinik sivisissusilimmik videomik saqqummersitsivoq, tassani angutip niaqua TV-eqarfiup CNN-ip ilisanaataanik asserneqarsimasoq unatarpaa.
- USA-p præsidentia tusagassiortunut sakkortuuliornissamik kaammattuinera, ulloq alianartuuvoq, CNN-ip oqaaseqartartua oqarpoq.
Trumpip pissusaa meerarpaluppoq atorfimminulli tulluutinngilluinnarluni, CNN oqaaseqartartua ilassuteqarpoq.
- Sulinerput ingerlatiinnassavarput, Taassuma aamma sulinini aallartittariaqaraluarpaa, nutaarsiassaqartitsivik AP aallaavigalugu, oqaaseqartartoq oqarpoq.
Video, Trumpip Twitteriani saqqummersinneqarsimasoq, ukiuni qulinik pisoqaassusilimminngaanneersuuvoq, tassani wrestling-show-ertoqarnerani aningaasaatilissuaq aggersagaasimalluni.
Immiussami Trumpi paannittarfiup silataanit angut ornerusaa takuneqarsinnaavoq. Trumpillu angut orlutippaa nalaneratalu nalaani arlaleriarluni tilluttarlugu.
- Qunusaarutitut paasineqarsinnaanngilaq. Tamanna neriuutiginngilara, Tom Bossert, Det Hvide Hus-imi nunami sillimaniarnermut siunnersorti, tv-qarfimmut ABC-mut oqarpoq.
Trumpip tusagassiuuteqarfiit arlallit, arlaleriarluni akerleralugit takutinniartarsimavaa, ilaatigulli taaneqarsinnaalluni CNN, taassuma sapaatiummat taakku "Fraud News"-itut - peqquserlulluni nutaarsiassatut oqaatigai.
Præsidentip video tweet-iliaa uani takujuk: