Venstre: Kalaallit Nunaannut sianerneq akikinnerusariaqarpoq
Naalagaaffeqatigiinni mobilikkut sianerneq akisuallaaqaaq iliuuseqarfigineqartariaqarlunilu, taamatut isumaqarpoq Venstre sinnerlugu Folketingip Kalaallit Nunaannut Ataatsimiititaliaani ilaasortaq Christoffer Aagaard Melson.
- Naalagaaffeqatigiinni nalunaarasuartaatit atornerinut akeqartitsinissamik telemik ingerlatsisut peqquneqarsimanerat ingasappallaarlunilu inissaminiinngilaq, Venstremi ilaasortaq Christoffer Aagaard Melson Kalaallit Nunaannut Ataatsimiititaliaq aqqutigalugu pilersuinermut ministerimut Dan Jørgensenimut akissuteqaqqusisimasoq oqarpoq.
EU-mi akiliuteqartoqarneq ajortoq
Venstremi politikkerip apeqquteqarnerminut tunngavilersuutigaa ”EU-mi oqaloqateqarnermi nalunaarasuartaatip atorneqarneranut akiliuteqartoqarneq ajortoq”.
- Telemik ingerlatseqatigiiffiit Danmarkip Kalaallillu Nunaata akornanni oqaluussioqarnerani nalunaarusuartaammik atuinermut akeqartitsisarunnaarsinniarlugit ministeri qanoq iliuuseqaarsinnaava, Christoffer Aagaard Melson aperivoq.
Danmarkimi Teliamik atuisup Venstremi politikkerip Kalaallit Nunaanniittumik oqaloqateqarneq akisunerarlugu oqarnera isumaqatigaa. Kalaallit Nunaanniittumik minutsini arfinilinni sekundinilu 30-ni oqaluussineq 61,23 koruuninik immikkut akiligassaqarfiusarpoq. Atuisartutut 249 koruuninik akiliuteqarnermi aqkeqanngitsumik oqaluussillunilu.