Skip to main content

Uummannaq: Imeq amimut akorngusiisinnaavoq

Uummannami erngup uuliamik mingutsinneqarnera pissutigalugu eqqiluisaarniarnermut atorneqartariaqanngilaq. Taamaattarlorli perusuersartarfimmeereernermi errortortoqarsinnaavoq.

Uummannami Nukissiorfiit ajutoornikkut imissamut uuliamik  ulluni arfineq-pingasuni kingullerni minnerusumik kuutsitsisoorsimasoq, Uummannami politiit ilisimatitsipput.

Piffissap sivikitsup ingerlanerani imermik imersimaneq takussutissaqarnissaa imaluunniit napparsimalernermik kinguneqarnissaa naatsorsuutigineqanngitsoq, nakorsaaneq ilisimatitsivoq. Piffissap sivisuup ingerlanerani imermik najuussuineq ajoqutaasinnaasoq, nakorsaaneq aamma ilisimatitsivoq.

Atuisunut imeqarfimmut attavilinnut: Najukkami qatserisartut aamma Nukissiorfiit Uummannami imeqarfik matuaat, maannalu ajornartorsiut iluarsaappaat. Taamaattumik maanna Uummannami imeqarfimmit imeq erngup aqqutaatigut pumperneqarpoq. Taanna imeq salinneqanngilaq aamma klorilersorneqanngilaq. Maanna imeq kuuffitsigoortoq imernermut, nerisassiornermut, kigutigissarnermut atorneqassanngitsoq, nakorsaanerup siunnersuussutigaa. Erngup eqqiluisaarnermut atorneqannginnissaa aamma innersuussutigineqarpoq, uuliamik mingutsinneqarsinnaammat, taamaalillunilu amimut akorngusiisinnaalluni, perusuersartarfimmeereernermili errortornermut atorneqarsinnaavoq.

Atuisunut imermik pajunneqartartunut: Illuni imermut tankit maanna imaarneqarnissaat innersuunneqanngilaq. Imeq imerneqarsinnaanngilaq, nerisassiornermut imaluunniit kigutigissarnermut atorneqarsinnaanani. Aammattaaq eqqiluisaarnermut atorneqannginnissaa innersuussutigineqarpoq, uuliamik mingutsinneqarsinnaammat, taamaalillunilu amimut akorngusiisinnaalluni, perusuersartarfimmeereernermili errortornermut atorneqarsinnaavoq. Imeq tankiniittoq pisariaqartillugu eqqiaanermut allanullu atorneqarsinnaavoq. Qalatsitsinikkut uulia imermit peerneqarsinnaanngilaq, taamaalillunilu imerneqarsinnaalertanngilaq.

Imeqarfimmit imeq mingutsitaanngitsoq qaqugu kuutsinneqaleqqissanersoq aamma biili imermik pajuttuummit pajuttuilertoqassanersoq, aamma pajuttorneqartartut qanoq iliuuseqassanersut oqartussanit paasissutissanik ilitsersuutinillu nalunaaruteqartoqarumaarpoq. Uummannami Nukissiorfiup atuisunut saaffiginnittarfia arfininngornermit septembarip 21-annit ullaakkut nal. 08.00-mit agguaassaaq. Pisariaqartitsivinnermi unnuap qeqqata tungaanut Royal Artic Linep umiarsuaanut Pajuttaammut saaffiginnittoqarsinnaavoq, aamma nal. 06.00-mit. Imertaatinik nammineq nassarnissaq tassani piumasarineqarpoq.

Uummannami innuttaasut mingutsitsinermut tunngatillugu peqqissutsimut tunngasunik apeqquteqarniarunik, Uummannami peqqissaavimmut innersuunneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER