attaveqaatit
Uummannaq sakkortusaaviup attaveerunneranik eqqorneqarpoq
Uummannami Uummannallu nunaqarfiini ilaannakortumik nalunaarasuartaatitigut attaveqarallarpoq
Tele-Postimiit nalunaarutigineqarpoq Ilulissat avanaanni sakkortusaavik Qaarsorsuarmiittoq ajortissimasoq.
Sakkortusaaviup ajortinneranit Uummannami Uummannallu nunaqarfiini 3G atorlugu oqarasuaatit angallattakkat, internetsi, KNR TV aamma radio eqqorneqartut, oqarasuaatit naliginnaasut, oqarasuaatit GSM-it aamma umiarsuarnut timmisartunullu attaveqarneq eqqorneqanngillat.
Tele-Post taama tusagassiuutinut nalunaaruteqarpoq.
Tele-Postimit aamma nalunaarutigineqarpoq qulimiguulik Sikorsky attortorneqarniartoq, qumiguullillu taassuma teknikerit marluk Aasianniittut sisamanngornermi ualikkut aqqusaarsinnarlugit Ilulissat avannaatungaani Qaarsorsuarmi sakkortusaavimmut timmisartuunniarai.
- Qulimiguulik Sikorsky marlunnik piloteqarpoq, taamaalillutillu qulimiguulinnut mikinernut sanilliullutik silarlukkaluartoq timmisinnaasarlutik, Tele-Post allappoq.