Skip to main content

Uummannap umiarsualivia uuliamik mingutsinneqarpoq

Qatserisartut politiillu umiarsualiveqarfik salippaat

Sapaatip juunip 23-ata unnuaani qatserisartut politiillu Uummannap umiarsualiviani uuliamik mingutsitsinermut annertuumut ornigupput.
Siorartaat "Holm" uuliamik aniasitsisimavoq, sulilu ilisimaneqanngilaq uulia qanoq annertutigisoq aniasimanersoq. Umiarsualiveqarfiup annersaa uuliaarluerfigineqarpoq umiarsualiveqarfillu tamarmi tipittorujussuuvoq. Umiarsualiveqarfik ilisimaneqarpoq minguitsutut illoqarfimmiut katersuuttarfiattut, taamaasillunilu tassaalluni "illoqarfiup qeqqa" inuit naapittarfiat.
Qatserisartut uulia sapinngisamik annertunerpaaq qallorpaat, atortussalli amigaataarpasipput, tassa inuinnaat angallataat piumassutsiminnillu qatserisartut atorneqarmata. Sapaammi ullaap tungaani Qatserisartut suli oqaaseqarsinnaanngillat, upalungaarsimanermullu pisortaq taassumalu Qaasuitsup Kommuniani pisortaa kisimik avammut oqaaseqarsinnaapput.
Inuiattut ullorsiornissaq sioqqullugu umiarsualiveqarfik salinneqarsimavoqa, inuusuttorpassuit saliillutik sikaritsikut assamminnik katersorlugit. Uuliamik annertuumik mingutsitsinikkut tamanna maangaannarsimagunarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER