Skip to main content

Uummannap eqqaani inuit pingasut ajunaarput - pingasut annaanneqarput

Sapaatip ualinerani pisoq politiinit misissorneqaleruttorpoq

Uummannap eqqaani inuit pingasut ajunaarput sapaatiummat.

Radioaviisi paasissutissiivoq.

Umiatsiaq 14 fodsilik arfinilinnik ilaasoqartoq, Uummannap qeqertaani Juullip inuata illuaraanik iluarsaassinissamut atortussanik sapaatip ualinerani assartuivoq.

Uummannamut utertillutik umiatsiaq sikumut aporsimassangatinneqarpoq umiatsiarlu kinngulluni, Politikommissær Poul Petersen Nuup Politiivineersoq KNR-imut ilisimatitsivoq.

Umiatsiamik kinngusumik ikiuiartortut apuutilertupallapput, ilaasunilli arfiniliusunit pingasut ajunaarput - ataaseq uummarsarneqarluni uummartinneqarpoq.

Politiit ualikkut nalunaaqutaq sisamat missaani kalerrinneqarput.

Sermitsiaq.AG pisoq pillugu paasiniaavoq.

Pisoq pillugu ilisimasaqaruit redaktion@sermitsiaq.ag-imut allassinnaavutit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER