umiarsuaq tunitsivik

Uummannami umiarsuarmik tunitsiviliisoqassasoq

KNAPK-p Uummannami qaleralinniarnermut umiarsuarmik tunitsiviliisoqarnissaa Henrik Sandgreenillu oqarneratut kisermaassinerup atorunnaarsinneqarnissaa nuannaarutigaa

Umiarsuaq suliffissuaatigisoq Sermilik 1 Davis Strædet aqqusaarlugu Uummannap tungaanut ingerlaarpoq, tassani tunitsivittut atorneqassalluni. Umiarsuaq Las Palmasimi ukiuni arlalinni uninngasivoq *Garnys'-imik ateqarluni Litauenimi suliffeqarfimmit Baltlantamit pigineqarluni. Qanittukkut Sermilik 1-imi ateqalerpoq Nuummilu angerlarsimaffeqartutut nalunaarsorneqarluni

http://www.fleetmon.com/

Redaktionen

arfininng 04. juu 2015 10:37

KNAPK-p siulittaasuata Henrik Sandgreenip Uummannap Sulluani qaleralinniarnermi unammilleqatigiinnermik pilersitsisoqartussanngornera nuannaarutigaa.

- Uummannap Sulluani aalisartut QP-mi ilaasortat aamma Avannaa Fisheriesimi piginneqataasut namminneq pilersaarusiugaannik tunitsiviliisoqassaaq, aamma taamaasiornikkut Uummannami aalisakkanut tunisassiorfiliornermik piumasaqaatitalimmik piviusunngortitsi-sussamut aallarniisuussaaq, Henrik Sandgreen tusagassiorfinnut nalunaarummi allappoq imalu ilassuteqarluni:

- Pingaarnertut anguneqartussaq tassaavoqaalisakkat akiisigut unammilleqatigiinnerup Uummannap Sulluanut eqqunneqarnera – aalisartut aalisakkat akiisigut maannakkut kisermaassinerup aqqanik akitigut naqisimanninnerit qaangertussanngormatikkit, Henrik Sandgreen isumaqarpoq.

Taanna erseqqissaalluni oqarpoq, Kalaallit Nunaanni Aalisartut Piniartullu Kattuffiata - KNAPK-p, nuannaarutigigaa, aalisartut atugarisaannik pitsaanerulersitsinissamik siunertaqarluni sulissuteqarneq inuttut ataqqeqatigiinneq aallaavigalugu ulluinnarni aalisartunut ilaqutaasunullu atugassaritaasunik ilorraap tungaanut saakkiartornermik kinguneqartitsisarmat.

- Tamanna Uummannap Sulluani qaleralinniat ulluni qaninnerni qujanartumik angusinnaalissavaat. Tassami umiarsuarmik Sermilik-I GR-06-32 Nuummi angerlarsimaffeqartumik qaleralinnut tunitsiviusussamik tikinneqassagamik, siulittaasoq oqarpoq. Taanna ilisimatitsilluni oqarpoq, Uummannap Sulluani aalisartut QP-mi ilaasortat aamma Avannaa Fisheriesimi piginneqataasut namminneq pilersaarusiugaannik tunitsiviliisoqassasoq, aamma taamaasiornikkut Uummannami aalisakkanut tunisassiorfiliornermik piumasaqaatitalimmik piviusunngortitsi-sussamut aallarniisuussasoq, allappoq.

KNAPK-p toqqaannartumik tunitsiviliinissamut aaqqissuisut ilaasortarinngikkaluarlugit angu-saannik pilluaqquai, neriuppugullu aalisartunut iluaqutaasussamik angusaqarluarumaartut.

nunatsinnit inuussutissarsiutit