Uummannami toqutsisoqarneranik suliaq - pasisaq tigusarineqarpoq
Kalaallit Nunaanni Politiit toqutsisoqarsimaneranik suliamik misissuipput, tassani arnaq 30-nik ukiulik najukkamini toqungasoq nassaarineqarpoq. Angut 32-nik ukiulik suliami tigusarineqarpoq.
Annonce
Kalaallit Nunaanni Politiit ukiutoqqami nalunaaqutaq 15.59 nalunaarfigineqarput, arnaq 30-nik ukiulik Uummannami najukkamini toqungasoq nassaarineqartoq. Suliaq toqutsisoqarsimaneratut misissorneqarpoq.
Kalaallit Nunaanni Politiit pigaartut pisortaat, Gedion Quist, Sermitsiaq.AG-mut taama ilisimatitsivoq.
- Angut 32-nik ukiulik suliami tigusarineqarpoq. Taanna eqqartuussivimmi sassartinneqassaaq, tigummigallarneqarnissaa piumasarineqarluni killisiorneqassalluni, pigaartut pisortaat oqarpoq.
Toqutsisoqarneranik suliami politiit maanna amerlanerusunik paasissutissanik peqanngitsut, taanna ilisimatitsivoq.