Skip to main content

Uummannami toqutsisimanermut suliaq: Pasisaq ulluni 28-ni tigummigallarneqarpoq

Uummannami toqutsisoqarsimaneranut tunngatillugu suliami pasisaq inatsit tunngaviusoq naapertorlugu killisiorneqareerluni ulluni 28-ni tigummigallarneqartussanngorpoq. Suliami pisut pillugit politiit killilimmik ilisimatitsipput.

Politiit ukiutoqqami nalunaaqutaq 15:39 nalunaarfigineqarput, arnaq 32-nik ukiulik inissiamini toqungasoq nassaarineqarsimasoq.

Suliamut tunngatillugu angut 35-nik ukiulik kingorna tigusarineqarpoq. Taanna inatsit tunngaviusoq naapertorlugu killisiorneqareerpoq, ullunilu 28-ni tigummigallarneqartussanngorluni.

35-nik ukiullip pisut pisimasut nassuerutigai – politiit oqartariaasiat malillugu – tamanna isumaqarpoq pisut ingerlaneri nassuerutigigai, piaaralunili toqutsisimasutut nassueruteqarani.

Paasissutissat annikitsut

Susoqarsimaneranik pasisallu toqusimasullu qanoq imminnut attuumassuteqarneranik tunngasunik suli saqqummiussisoqanngilaq.

Suliami paasissutissanik politiit ilisimatitsisinnaanatik nalunaarput, pisimasut avammut saqqummiunneqannginnissaat suliap paasiniarnissaanut pingaaruteqarmat.

Paasiniaanerli ingerlanneqartoq, toqutsisoqarneranilu suliani nalinginnaasumik toqusimasup timaa pilallugu misissorneqarnissaa tullinnguuttoq ilisimatitsipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER