Skip to main content

Uummannami qaleralittassiissutit qaffaaffigineqartut

Naalakkersuisut 2020-mi novembarip 19-anni aalajangerput, Uummannap sineriaata qanittuani umiatsiaararsortunut qaleralittassiissutigineqartut 528 tonsinik ilaneqassasut.

- Taamaalilluni aqutsiveqarfimmut Uummannamut aalisariutinut umiatsiaararsortunullu 2020-mi qaleralittassiissutigineqartut katillugit 10.028 tonsiulerput. Aqutsiveqarfimmut Uummannamut ilisimatuussutsikkut innersuussutigineqartut 5.800 tonsiupput, Naalakkersuisut tusagassiorfinnut nalunaaruteqarnermi ilisimatitsipput.

Ilisimatuussutsikkut innersuussutigineqarut taamaalilluni 73 proocentinik sinnerlugit pisassiissuteqartoqarpoq. Naalakkersuisut piffissamut ungasinnerusumut pilersaarutigigaluarpaat, sineriammut qanittumi umiatsiaararsortunut pisassiissutigineqartartut innersuussutigineqartartunut naleqqussarneqarnissaaat.

Pisassiissutinik qaffaasoqarpoq Avannaani umiatsiaararsorluni aalisarnerup politikkikkut akerleriissutaanerata kinguneranik. Aasliarneq oktobarip qaammataata naalernerani ullormiit ullormut matuneqarpoq, nalunaarutigineqarluilu Uummannami aalisarneq aatsaat decembarip aallaqqaataani ammaqqinneqassasoq.

Matusineq pillugu siunersiueqatigiinneq

Qeqertarsuup Tunuani aalisarneq ukiup sinneranut matuneqarpoq, ukiumut pisassiissutit tamakkerneqarmata. Matusisoqarmat Aalisarnermut, Piniarnermut Nunalerinermullu Ataatsimiititaliap naalakkersuisoqk pisoq pisoq pillugu siunersiueqatiginiarlugu qaaqquaat.

Siunersiueqatigiinnermi Aalisarnermut, Piniarnermut Nunalerinermullu Naalakkersuisup Jens Immanuelsenip oqaluttuaraa, Ummannami decembarimut pisassiissutit novembarimut nuunneqarnissaat qinnutigineqarsimasoq, maannali pisassiissutit qaffanneqarnissaat aalajangiunneqarsimavoq.

Qeqertarsuup Tunuarni pisassiissutit qaffanneqarput, aalisarnerlu novembarip qaammataata aallartinnerani ammaqqinneqarluni.

- Naalakkersuisut aamma aalajangerput Namminersorlutik Oqartussani suleqatigiissitamik pilersitsisoqassasoq, suleqatigiissitami ukiup naalernerata qaammataani pisasseeqqittarneq pinaveersaartinniarlugu, ingerlatsinikkut aaqqiissutaasinnaasumik periarfissarsiuisoqassalluni, Naalakkersuisut tusagassiorfinnut nalunaaruteqarnermi allapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER