Skip to main content

Uummannami aliasunnermi ikorfartuinissaq pisariaqartinneqaqaaq

Uummannami imaani ajunaarneq inuit pingasut ajunaarnerannik kinguneqartoq innuttaasunik amerlasuunik eqquivoq

Tarnit pissusaannik ilinniarsimasoq isumaginninnermilu siunnersorti Uummannamukarput sapaammi imaani ajunaartoqarnerata kingorna innuttaasunik ikorfartuinermi ikiuukkiartorlutik. Qaasuitsup Kommunia Uummannami naliliisimavoq pisimasup sakkortuup qaangerniarnerani avataaniit ikiorneqarnissaq pisariaqartoq.

Umiatsiaaraq 14 fodsinik angissusilik sapaammi ualikkut sikumut aporsimassagatinneqarpoq tamatuma kinguneranik umiatsiaaqqami issimasut tamarmik imaanut ingeriussaanerannik kinguneqartumik. Utoqqaat pingasut tassani ajunaarput niviarsiararlu qulinik ukiulik uummarteqqinneqarpoq allallu marluk aamma annallutik.

Namminersorlutik oqartussat piareerput
Annaassiniarnermi aalisartut ikiuuttut Uummannami inunnik isumaginnittoqarfimmit ikiorneqarput sakkortuumik misigisaqarnermik kingorna tassani inuit pingasut uummarsarneqarnerigaluat iluatsinngereersoq. Pisoq tamanna alianartoq Uummannamut 1.200-ut sinnerlugit inulimmi assut eqquivoq utoqqaat ajunaartut ilisarisimannitserpassuaqarmata.

- Uummannami inunnik isumaginnittoqarfik saaffiginnissimavoq ajunaarnermi inuit sakkortuumik misigisaqartut ikiorneqarnissaanni avataaniit ikiuiartortoqarnissaa pisariaqartillugu. Taamaattumik aalajangerpugut tarnit pissusaannik ilinniarsimasoq inunnillu isumaginninnermi siunnersorti marlunngornermi ullaakkut Uummannaliartiniarlugit, Qaasuitsup Kommuniani meeqqanut, inuusuttunut, ilaqutariinnut pitsaaliuinermullu immikkoortumi pisortaq Johanne Olsen Sermitsiaq.AG-mut oqarpoq.

Tarnit pissusaannik ilisimasalik aamma isumaginninermi siunnersorti sapaatip akunnera Uummannamiinnissaat aallaqqaammut pilersaarutaavoq aammalu Uummannami inunnik isumaginnittoqarfik suleqatigalugu nalilerneqarumaarluni piffissami sivisunerusumi ikiorneqarnissaat pisariaqarnersoq.

- Namminersorluti oqartussat aamma nalunaarput Uummannamut ikiuukkiartornissartik pisariaqartinneqassappat piareersimallutik, Johanne Olsenip oqaatsini ilavai.

Qaasuitsup Kommuniani illoqarfiit tamarmik sakkortuumik pisoqarsinnaaneranut upalungaarsimasoqarput aammalu upalungaarsimasut angalasartut Ilulissani piareersimatinneqarput pisuni sakkortuuni ikiuukkiartornissamut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER