københavn
Uumasuusivissuarmi angut nannut inaannut isertoq
Ulllumi pingasunngornermi Københavnimi pissanganartumik pisoqarpoq, angut uumasuusivissuarmi nannut inaannut isersimammat
Pingasunngornermi ullo´qeqqanut angut uumasuusivissuarmit Københavns Zoomit ambulancenik aallarunneqarpq, sivikitsumik nannunut ungaluliamiissimanermi kingorna.
Zooloogisk Havemi sulisut taamatut DR-mut oqaluttuarput.
Suli ilisimaneqanngilaq angut pinartumik ikilertissimanersoq, uumasuusivissuarmili tusagassiortut naapertorlugit angut inuunerminik ulorianartorsiunngilaq.
Kingusinnerusukkut tusagassiortunik katersortitsisoqassaaq, tassani Københavns Zoo oqaluttuarissallugu qanorpiaq pisoqarsimanersoq. Tamanna suli ilisimaneqanngilaq.
Aqerlut gummit atorpaat
Ilisimaneqarpoq uumasunik paarsisut nannut aqerlunik gumminik arlaleriarlutik aallaariartarsimagaat, angut nannut inaannit, Den Arktiske Ringimik taaguutilimmit, anisinniarlugu.
DR-p paasisai naapertorlugit Uumasuusivissuarmiittut arlallit oqaluttuarput angut nannut inaannut pissilluni isersimasoq assiliniarlugit.
Tamanna Uumasuusivissuup suli uppernarsarumanngilaa.
Meeqqat qimarrarpput sulisut aqerlunik gumminik aallaannittut
Takunnittoq DR-mut oqaluttuarpoq:
– Pisulluta qanilliartorlugu takulerpavut Uumasuusivissuarmi sulisut arpaannaq nannut inaannukartut. Taassuma tungaanit meeqqat atuartut arpallutik qimarrartut.
– Meeqqat aperaavut susoqarnersoq. Oqaluttuarput angut nannut inaannut pissilluni isersimasoq nannut assiliniarlugit.