ilisimatuutut misissuineq

Uumasup ataatsip ippernat ingammik qimaatittarpai

Ilisimatuutut misissuinerup nutaap takutippaa, kukkukuup tipaa ippernap saperaa. Taanna ilisimasaq immaqa pitsaanerusunik ippernaarsaatiliornissamut atorneqarsinnaavoq

Svenskeq ilisimatooq Rickard Ignell, Nunatsinni ippernanik uumigisaqartut nuannaarutissarigunagaannik paasisaqarpoq: Kukkukuut tipaat ippernat nuannarinngilaat.

Quartz nittartakkami taama allaaserisaqarpoq.

Atuaruk: Scent of a chicken: Scientists may have found an incredibly effective, all-natural mosquito repellant

Ilisimatuup tamanna nunaateqarfimmi aammik ippernanit 1.172-init katersuinikkut misissuinermigut paasivaa.

Taakku pisarineqannginnerminni ippernat uumasunit assigiinngitsorpassuarnit aammik milluaasimapput, kisianni ataasiinnaap kukkukooq kapisimavaa.

Ippernat qammarlugit
Tamanna Rickard Ignellip ippernat kukkukuullu akornanni ataqatigiinnermut misissuineranut aallarniititsivoq.

Misissuinerup siulliup kingorna Sverigip nunalerinermut universitetiani ilisimatooq ilisimatuutut misissuinermik nutaamik aallartitsivoq, tassani ilaqutariit tusintilikkaat Etiopiami illoqarfimmiittut uumasup tipaanik assigiinngitsumik qammaatinik atortulersorneqarput.

Ilaqutariit taakkuninnga tipinik atortulerlutik sinitsinneqarput, tassanilu soqutiginninnersut soqutiginninnginnersulluunniit takuneqassapput.

Tassanilu iliuuserineqartoq uteqqippoq: Ippernat Anopheles Arabiensis, tassa malaariap ippernaa, kukkukuup tipaanik maajugisaqarpoq.

Ippernarsaat nutaaq?
Ippernaq arti taanna kisimi kukkukuunik nuannarisaqannginnersoq misissorneqarnissaa kiserngoruppoq.

Taamaanngippat immaqa svenskit Nunatsinni aasaanerani ippeqinaveersaatissamik nassaarsimassapput.

Atuaruk: Nuummi innuttaasut ippernat kiggerujussuinik ippigusupput

Powered by Labrador CMS