Uumasunut nungutaaqqajaasunut periarfissaq kingulleq
Miki Jacobsen Kangerlussuarmi ujaqqanik qalipaavoq.
Nunatta nerlia aamma qasigiaq sianigeqqissaanngikkutsigik, uumasut taakku marluk taamaallaat assilialiortup Miki Jacobsenip titartagaatut Post Greenlandip frimærkini saqqummersitaaniittutut takusinnaalissavavut, aviisi Sermitsiaq allappoq.
Post Greenland Europamiut frimærkinut suleqatigiiffiannut ilaavoq. Ukioq mannalu frimærkit Europami saqqummersitassat ataatsimut sammisassaat tassaalluni ”Uumasut nungutaanissamut aarlerinartorsiortut”.
Assilialiortoq Miki Jacobsen Paamiuni 1975-imi inunngortoq, Post Greenlandimut 1992-imiilli frimærkinik 30-nik titartaasimasoq, najoqqutassarsiornermini pinngortitaq uterfigiuartarpaa.
– Uumasut tamatumani patsisaapput, ingammik puisit, maani Nunatsinniinnitsinnut tunngaviusut. Taamaattumik pinngortitaq inuuffipput paarilluartariaqarparput, Miki Jacobsen Sermitsiamut oqarpoq.
Miki Jacobsen ulluni makkunani Kangerlussuarmiippoq, tamatumani Qeqqata Kommunia suleqatigalugu ujaqqat angisuut silamiittut marluk qalipanneqarsimasut aserfallatsaalinissaat isumaginiaramiuk.
Miki Jakobsenip qalipagai pillugit Sermitsiami uani atuarit: