Uumasunut nakorsanik amigaateqarneq pillugu Naalakkersuisut allatut aaqqiissutissaqartut

Uumasunut Nakorsaqarfik Inuussutissalerinermullu Oqartussaaffiup uumasut nakorsaannik Nunatsinni sulisussarsiniarneq ajornakusoortoq nassuerutigaa. Oqartussaaffiup taarsiullugu ilitsersuutinik nassiussiniarpoq, uumasullu nakorsaannik sivikitsumik taartaasartunik tikisitsisarnissaq kissaatigalugu.

Får
Uumasunut Nakorsaqarfik Inuussutissalerinermullu Oqartussaaffimmit nalilersortuarneqartarsimavoq, uumasut nakorsaannik piffissami sivikitsumi paarlattaasussamik Kujataanut tikisitsisoqartassanersoq.

Kalaallit Nunaanni uumasunik katsorsaasarnermut tunngatillugu Namminersorlutik Oqartussat pisussaaffii Uumasunut Nakorsaqarfik Inuussutissalerinermullu Oqartussaaffiup tusagassiuutinut nalunaarummi erseqqissarusuppaat.

Kujataani savaatillit aalajangersimasumik uumasunut nakorsaqannginneranik ernummateqarnerat, sapaatip-akunnerata siuliani Sermitsiaq.AG-p allaaserereeraalu tamanna pivoq.

Qaqortumi ilisarisimasamik aamma piaartumik angallammik tikissinnaasumik uumasut nakorsaqarnera toqqissisimanartuusoq, Savaatillit Peqatigiit siulittaasuat Elna Jensen isumaqarpoq, pingaartumik savat upernaakkut piaqqiorneranni aamma aasaanerani.

Uumasunut Nakorsaqarfik Inuussutissalerinermullu Oqartussaaffik Namminersorlutik Oqartussani uumasunut nakorsat Nunatsinni uumasunik suliarinninnissamut sunik pisussaaffeqarnersut pillugu ilisimatitsissuteqarpoq.

Allatut aaqqiissuteqarnerit

- Tassunga atatillugu savaatillit tamarmik uumasuutimik nakorsaatissaannik pissarsisarnissaat siunertaralugu ukiut tamaasa suliaqartoqartarpoq.

Aamma oqaatigineqarpoq:

- Savaatilinnut tamanut ilitsersuutissat qanittukkut nassiussuunneqassapput, ilitsersuutini savaatillit uumasuutitik napparsimalerpata qanoq iliortassanersut aamma qanoq qaqugukkullu uumasut nakorsaannut attaveqartassanersut pillugit ilitsersorneqassapput.

Ukiuni kingullerni uumasut nakorsaannik Nunatsinni atorfinitsitsiniartarnerup immikkut ittumik ajornartarsimanera pissutigalugu, Uumasunut Nakorsaqarfik Inuussutissalerinermullu Oqartussaaffimmit nalilersortuarneqartarsimavoq, uumasut nakorsaannik piffissami sivikitsumi paarlattaasussamik Kujataanut tikisitsisoqartassanersoq.

Uumasut nakorsaat taakku Nunatsinni savaatilinnut aalajangersimasumik sullissisussatut atorfinitsinneqassapput, angerlarsimaffimmilu uumasuutinik misissuinissamut, katsorsaanissamut pilattaanissamullu pisussaaffeqassanngillat, Uumasunut Nakorsaqarfik Inuussutissalerinermullu Oqartussaaffik ilisimatitsivoq.

Powered by Labrador CMS