Skip to main content

Uumassusillit assigiinngisitaarnerat: Inuusuttut tunniussaat periusissiamut ilanngunneqartut

Naalakkersuisut inuusuttut uumassusillit assigiinngisitaarnerannik soqutigisaqarnerat nuannaarutigaat. Sapaatip akunnerani kingullermi workshopertitsinermi inuusuttut tunniussaat Naalakkersuisut uumassusillit assigiinngisitaarnerat pillugu periusissiaannut ilanngunneqarput.

Nunarsuarmi uumassusillit assigiinngisitaartut pillugit isumaqatigiissusiortoqarnissaanik sulissuteqarneq Naalakkersuisunit tapersersorneqarpoq. Isumaqatigiissut nunarsuarmi immap nunallu 30 %-iisa piujuaannartitsisinerusumik aqunneqalernikkut illlersorneqarnissaannik ilaatigut imaqarpoq.

Taamaammat Avatangiisinut Naalakkersuisoqarfiup workshopertitsinerani inuusuttut soqutiginninnerat Naalakkersuisunit nuannaarutigineqarpoq.

- Uumassusillit assigiinngisitaartut pillugit Kalaallit Nunaanni inuusuttunut workshop-ertitseqqammernerput nuannaarutigaara. Naalakkersuisut uumassusillit assigiinngisitaartut pillugit periusissiassaannut inuusuttut tunniussaat arlaqartut atussavagut, nunarsuarmilu uumassusillit assigiinngisitaartut pillugit isumaqatigiissutissamut inuusuttut ilassutaasa tusarneqarnissaat aamma qulakkiissavarput, Suliffeqarnermut, Avatangiisinut Naalakkersuisoq Jess Svane tusagassiorfinut nalunaaruteqarnermi.

Taassuma miserratiginngilaa, nunarsuarmi uumassusillit assigiinngisitaarnerat ajornartorsiortoq, aamma naasut uumasullu peqatigiiaat amerlasuut nunarsuarmi ikiliartornerat.

-Nunarsuarmi pissutsit ilungersunarput. Nunat allat peqatigalugit nunarsuarmi isumaqatigiissuteqarnikkut pinngortitamut pissarititaanullu piujuaannartitsinerusumik periuseqarnissamut Naalakkersuisut qulakkeerinneqataarusupput, Jess Svane oqarpoq.

Aappaagu ataatsimeersuartoqassasoq

Uumassusillit Assigiinngisitaarnerat pillugu isumaqatigiissutip ataani Naalagaaffiit Peqatigiinni peqataasut ataatsimeersuarneranni nunarsuarmi nunat uumassusillit assigiinngisitaarnerat pillugu nunarsuarmi isumaqatigiissutissamik isumaqatigiinniassapput. Ataatsimeersuarneq Kina-mi Kunming-imi 2021-imi ingerlanneqarnissaa naatsorsuutigineqarpoq. Nunarsuarmi uumassusillit assigiinngisitaarnerisa pitsaanerusumik illersorneqarnissaannik isumaqatigiissut qulakkeerinnissaaq.

Mannakkut uumasut naasullu toqorarlutik nungupput nungoratarsinnaallutilluunniit, pingaarnertut nunarsuarmi pinngortitamik inuit piiaanerat pissutigalugu.

- Nunarsuarmi uumassusillit assigiinngisitaartut pillugit angusaqarluarnissamik siunertaqarnissamut oqaloqatigiinnernut aalajangersaanernullu Kalaallit Nunaata peqataanissaa pingaaruteqartoq isumaqarpunga, Naalakkersuisoq Jess Svane naggasiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER