Skip to main content

Uumasorpassuit atugarliortut

Kalaallit Nunaanni Uumasut Ikinngutaat qimmit qitsuillu imminiiginnakkat amerlanertigullu naalliutsitaasimasut annaanniarlugit sulilussinnaanngilaq. Namminneq kajumissutsiminnik sulerusuttunik pissarsiorneq iluatsilluarpoq

Decemberip qaammataa nuannersuuvoq. Kisianni aamma qaammatini issinnerpaatut taaneqartarpoq. Juullip qaammataata ulluani siullermi Kalaallit Nunaanni Uumasut Ikinngutaat attortinnartumik Facebookikkut allapput, tassani iluatsillugu aamma ikioqqullutik suaarput. Namminneq kajumissutsiminnik sulisut amerlassusiannut sanilliullugit uumasut tunniunneqartartut amerlavallaarput.

- Aasaq tamaat kommunimit (Kommuneqarfik Sermersooq, aaqq.) ikiorneqarpugut, tassami nammineq kajumissutsimik sulisuusugut ikippallaaqigatta. Ataasinngornermiit tallimanngornermut ualikkut silaannarissartitsisarput. Aamma kommunip qimmiutai tigusarpavut, tassami kommunimi inatsisit oqarput uumasup piginnittaa nassaarineqanngippat nal. ak. 72-it qaangiuppata uumasoq toqunneqassaaq. Tassani akuliussinnaavugut oqarlutalu nal. ak. 72-init amerlanerusunik periarfissinneqartariaqarluta, Kalaallit Nunaanni Uumasut Ikinngutaanni siulersuisunut ilaasortaq Tone Frank Andersen paasissutissiivoq.

Sumiginnakkat siammarterneqarput

Sulisussarsiornermut assit aqqanillit, taakkunannga qitsuit sisamat sinnerilu qimmit, ilanngunneqarput. Uumasut arlallit naalliutsinneqarsimarpasipput. Qitsuit ilaat itimigut usuup poortaqarpoq tamatumalu saniatigut saluttuarakasiuvoq. Qitsuk alla nalliuttorsiornermi unatartittarsimavoq, ipitinneqartarluni arlaleriarlunilu uummarteqqinneqartarsimasoq uumasut nakorsaannukaanneqarpoq.

Qimmit arlallit naartupput allallu anisitaasimapput. Qimmit ilaat ataaseq aqquserngup kussiartaani tusiattoq kiitissimanerminillu ikeqartoq nassaarineqarpoq.

Atuaruk: Nuummi qimmit angalaannartut amerlavallaaqaat

Politiinut nalunaarutiginnittarput

Kisitsisit ikittuinnaat ukioq´manna maajimi qimmit 40-t qitsuillu 15-it tunniunneqarsimasut takutippaat. Pisuni pingasuusuni politiinut nalunaarutiginnittoqarpoq, taakkunannga marluk paarinerlunneqarnerat/ anniartitaasimanerat pissutigalugit.

- Uumasut arlallit anniartitaasimarpaluttut tigumminikuuavut, kisianni amerlanersaat nalliutinneqarsimarpasinngillat, kisianni ajoraluartumik arlaannik pissuteqartumik anisitaasimapput. Soorlu amerlanertigut pisoqartartoq inissiami attartukkamiluunniit uumasuuteqarnissaq inerteqqutaasarpoq, INI-mit imaluunniit Iserit-mit uumasumik malussarsimasunit, Kalaallit Nunaanni Uumasut Ikinngutaanni siulittaasoq Charlotte Marie Lynge oqarpoq.

Allaaserisaq tamaat AG-mi kingullermi atuaruk.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER