Uuliasiorneq
Uuliasiortitseqatigiit kitaanit qimarrattut
Issittumi uuliasiornermik soqutiginninnerup annikilliartornera maanna Kalaallit Nunaannik sakkortuumik eqquivoq. Uuliasiortitseqatigiiffiit tamarluinnangajammik ukiup naanerani akuersissutitik atorunnaarpata, kitaanit qimagunnissaat ilimanarpoq
Uuliap akiata appariartornerata avanaarsuanilu sikoqaqisumi imaani itisuumi qillerinermi aarlerinaatinik ukkatarinninneruleriartornerup kingorna Kalaallit Nunaata uuliaatilissuanngornissamik takorluugai ajalusoorput.
Eqqarsarfissaqartut
2014-p naanerani Qallunaat Nunaanneersoq Dong, Norgimeersoq Statoil Franskillu GDF Suez Kalaallit Nunaata kitaani Qimusseriarsuarmi ujarlernerminnik unitsitsipput, illuatungaagullu sinneruttut ukiuni marlunni eqqarsarfissaqarnissaannik neqeroorfigineqarput, taarsiullugulu suliaminnik unitsitsinatik annikitsumik suliaminnik ingerlatsisinnaapput.
Namminersorlutilli Oqartussat piumassusermik takutitsinerat ilassineqanngilaq.
Atuaruk: Qujaukitsup uuliamut isumalluartuunnginneq akerlilerpaa
Cairn kisimi
Aatsitassanut Naalakkersuisoqarfik naapertorlugu maanna akuersissutaasut ukiup naanerani atorunnaarpata, Cairn Energy Kalaallit Nunaata kitaani uuliasiortitseqatigiiffinni kiserngorutissasutut isikkoqarpoq.
- Shell Qimusseriarsuarmi akuersissutinik marlunnik pigisaqarpoq, taakkulu juullimi atorunnaassapput, utertinneqassanersullu utertinneqassannginnersulluunniit oqaloqatigiissutigileruttorpavut. Issittumi piffinnit allanit tunuarnerminnut assigusunik eqqarsarnerat ilimanarpoq, Jørgen T. Hammeken-Holm oqarpoq.
Atuaruk: Greenpeace nutaamik uuliamik ujaasisoqarnissaanik ernumassuteqartoq
AG normu 20-imi Namminersorlutik Oqartussat Kalaallit Nunaata sortaani tamanna pillugu neriuuteqarnersut atuaruk. Aviisi uani ataani linki aqqutigalugu pisiarisinnaavat