Skip to main content

Uuliasiorneq taamaatittoq: Uuliasiortut kingulliit Kitaaniikkunnaarput

Cairn Energyp kingulliusup misileraalluni qillerinermut milliarderpassuit atoreerlugit Kalaallit Nunaata Kitaa qimappaa. Taamaasillutik akuersissutit Kalaallit Nunaata kangianut tunngasut kiserngorupput.

Cairn Energy takkukkami aningaasaleerujussuarpoq. Tassa 6,7 milliardit koruunit Baffinip Kangerliumanertaani iluatsitsiffiunngitsunut 2010-mi 2011-milu atoreerlugit maanna kiannerusunukarlutik aallavissorput.

Uuliasiortut Kalaallit Nunaata kitaani uuliamik nassaarnissaminnut neriukkaluartut kingulliit taamaasillutik aallarput.

Taakkuali sioqqullugit Shell, Maersk Oil, ConocoPhillips, Statoil, Dong aamma GDF Suez franskiusut uuliap ukiuni kingullerni akiata, allanngoraqattaareerluni, 50 dollarimut aalaakkaasunngoriartornera ilutigalugu misissuinissaminnik pilersaarutitik unitsitiinnarpaat.

- Kikkut tamarmik unipput. Cairn Energyllu akuersissut pigisani kingulleq ukiup aappaata affaata ingerlanerani utertikkiartuaarlugu. Tamaaniiginnarnissaannut periarfissat misissoraluarpavut, tamarmilli ajornarsimaqaat, Aatsitassaqarnermut Naalakkersuisoqarfiup pisortaa Jørgen Hammeken-Holm, oqarpoq.

Namminersorlutik Oqartussat taamaammat akuersissutinik taakkuninnga, uuliasiorfiit anginersaasa atorunnaagaannik, neqeroortitsinissartik piareersarpaat – Baffinip Kangerliumarnanut tunngatillugu decembarip 15-ianni killeqarluni.

Uuliasiorfiit misissuisimasut misissugaasa inerneri akeqanngitsumik atorsinnaavaat.

Allanilli pilerinarsaataasinnaasunik soqanngilaq.

Cairn Energy pillugu allaaserisaq tamaat AG-mi ullumi saqqummertumi, linki uani ataaniittoq toorlugu atuaruk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER