Skip to main content

Uuliasiorneq mianersoqqussutigaat

Tunumi uuliasiorniarneq pillugu aamma akerliusoqarpoq

Uumasunik illersuiniaqatigiiffiup Verdens naturfondenip WWFip tunup avannaarsuani uuliasiorniarneq eqqarsarnartoqartippaa. Taakku qularutigaat uuliarluertoqassappat uuliasiortut saliisinnaanissaat.

Ingerlatseqatigiiffiit pingasut akuerineqarput tunup avannaani uuliamik gassimillu imaani ujarlernissamut nassaassagunilu qalluisinnaatitaallutik. Naalakkersuisut naammagisimaarpaat suliffeqarfissuit nunani tamalaani misilittagaqarluartut uuliasiortussanngormmata.

Taamaattoq WWFip taama avinngarusimatigisumi uuliarluertoqarsinnaanera ernumanartoqartippaa

Saliineq
- Tunup avataani imartaq nunarsuarmi tikikkuminaanerpaat ilagaat aammalu arfernut nannunullu pingaarutilerujussuulluni. Taamaammat neriuutigaara uuliasiortitseqatigiiffiit ilimaarigaat sunialernerlutik aammalu avatangiisini peqqarniissinnaasuni sillimaniarneq pitsaanerpaaffissaminiittoq, WWF-mi silaannaap pissusaanut avatangiisinullu pisortaq John Nordbo oqarpoq.

Uuliasiorfissatut gassimillu ujarlerfissatut akuersissuteqarfigineqartut inoqarfinnut ungasissorujussuupput tamannalu WWF-mi ernumaammersimaarutaavoq.

- WWF-miit qularaarput maqisoortoqassappat uumasut avatangiisillu annannissaannut teknologi pigineqartoq, taamaammat Kalaallit Nunaat kaammattorumavarput avatangiisinut piumasaqaatit sakkortunerpaat piumasaqaatigeqqullugit ujarlernissamut akuersissutit tunniunniarneqarpasimmata, John Nordbo oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER