Skip to main content

Uuliaqarnersoq pillugu misissuisarnermik unitsitsineq nuannaarutigineqartoq

Naalakkersuisut uuliaqarnersoq pillugu misissuisarnermik qalluisinnaanermillu unitsitsiniarlutik aalajangersimanerat soqutigisaqaqatigiiffinniit nuannaarutigineqarpoq.

Aatsitassanut Naalakkersuisup Naaja H. Nathanielsenip sisamanngormat nalunaarutigaa, uuliasiornermut gassisiornermullu periusissiaq ullumikkut atuuttoq siunissamilu Kalaallit Nunaanni uuliaqarsoralugu misissuisarnissat unitsinneqassasut naalakkersuisunit ulloq 24. juni 2021 aalajangiunneqarsimasoq.

- Siunissaq uuliamiinngilaq. Nukissiaq ataavartoq siunissaavoq, tassanilu iluaqutissavut amerlanerujussuupput, ilaatigut tamanna oqaatigineqarpoq.

Greenpeacemit oqaatigineqarpoq siunnerfik tamanna eqqortuusoq.

- Sila issittumilu avatangiisit mianernartut eqqarsaatigalugit nutaarsiassaq tamanna nuannerluinnartuuvoq. Kalaallit Nunaanni Naalakkersuisunngorlaat silatusaarluarlutik aalajangersimapput, Greenpeacemi paasititsiniaasarnermi pilersaarusiortarnermilu pisortaq Sune Scheller oqarpoq.

Arlallit tapersersuisut 

Oceans North Kalaallit Nunaanniit tapersersorneqarpoq. 

- Kalaallit Nunaata kulturianut aningaasaqarneranullu aalisarnerup pingaaruteqassusianik isiginnilluni tamanna tassaavoq akisussaaffeqarfigisatut toqqagarisaq, pisortaq Søren Stach Nielsen Sermitsiaq.AG-mut oqarpoq. 

Kalaallit Nunaatta imartaani uuliakoortoqarnissaanik aarleqquteqarneq aalajangernerup unitsikkaa taanna isumaqarpoq.  

Kalaallit Nunaannimi aalisarnermit nunami avammut nioqquteqarnermi isertitat 90 procentiisa isertinneqartarput. 

2010-2011-mi ujaasilluni qillerinerit kingornatigut Oceans North aamma Inuit Circumpolar Council – Kalaallit Nunaat 2013-imi Kalaallit Nunaata sinerissap avataani qillerinernik nakkutilliisimaneri misissorpaat. 

Uuliap anillariataarneranik, imaluunniit ilungersunartumik uuliakoortoqarneranik attuumassutilittut aarleqqutaasut nunamut aalisarnermik nioqquteqarfigisamik aammalu imartami avatangiisinik peqqissuusunik taama pisariaqartitsigisumut annertuallaartut, misissuinerup takutikkaa, pisortaq paasissutissiivoq.

Issittoq mianernartuusoq

Issittup imartaani sikoqaqisumi uuliasiortarner immikkut ittumik aarlerinaateqartuuvoq, silallu allanngoriartupiloornera eqqarsaatigalugu Kalaallit Nunaanni uuliasiorluni qillerisarnerit qangali isumaqatiginanngitsupilussuusarput, Greenpeacemit oqatigineqarpoq.

- Greenpeacemit ukiorpassuarni taamatut aalajangiisoqarnissaa sulissutigisimavarput, soorunami nuannaarutigaarput, Kalaallit Nunaanni Naalakkersuisunngorlaanit silamik ajornartorsiuteqartoqarnerata pimoorunneqarnera, uuliallu nunap iluaniiginnarnissaanik aalajangersimanerat. Neriuutigaara Kalaallit Nunaannit siunnerfigineqartoq nunanut suli uuliasiorusuttunut isumassarsiorfiujumaartoq, Sune Scheller oqarpoq.

Danmarkip Folketingiani 2020-mi decembarip qaammataani isumaqatigiissutigineqarsimavoq nunami uuliamik tunisassiornerup unitsinneqarnissaa. 2050-imi Nordsømi Danmarkip imartaaniittumi uuliamik gassimillu qalluinerup unitsinneqarnissaata saniatigut, siunissami suliariumannittussarsiuussisarnissat tamarmik atorunnaarsinneqassapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER