Skip to main content

Uuliakoortoqarsimanera ulluni tulliuttuni aatsaat misissorneqassaaq

Issittumi Sakkuttuut Tunumi ataasinngormat uuliakoortoqarsimanera siumorpaat. Misissuisartut aatsaat aqagu arfininngorpalluunniit anngussangatinneqarput

Tasiilap kujataani uuliakoortoqarsimanera Issittumi Sakkutuunit ataasinngormat siumorneqarpoq. 

Uuliakoorneq siaruangaatsiarsimasoq Issittumi Sakkutuut ilisimatitsissutigaat.

Ataasinngormat
Uuliaannaasimanavianngitsoq naatsorsuutigaat. Uuliakoortoqarsimanera qaammataasakkut siullermik siumorneqaqqaarpoq.

Aalisariutit nalilerpaat uuliakoortoqarsimanissaa.

Taanna pereeriarmat Issittumi Sakkutuut timmisartumik misissuiartortitsipput. 

Umiarsuaq ornigutissaaq
- Uuliaannaasinnaanissaa qularnarpoq, Issittumi Sakkutuut ilisimatitsipput. 

Sakkutuut umiarsuaat Knud Rasmussen uuliakoorfimmut ornigutissaaq misisssuiartorluni.

Tassani misissorneqassaaq ajortuliortoqarsimanersoq.

Qaammataasatigut assilisat
Islandip naalakkersuisoqarfianut aamma Nunatsinni naalakkersuisoqarfimmut oqartussaasumut uuliakoortoqarsimanera aamma nalunaarutigineqarpoq. Ikiuisoqartariaqanngitsoq tassani nalunaarutigaat. Qaammataasatigut assilisanik pisariaqartitsillutik kisimi kissaaseqarlutik nalunaaruteqarput. 

Sila atoruminanngimmat nalileruminaassaaq sumerpiaq uuliakoortoqarsimanersoq. 

- Silap atoruminannginnera sikoqarneralu pissutigalugu sakkutuut umiarsuaat uuliakoorfimmut aggustip 15-ani 16-aniluunniit anngunnissaa aatsaat naatsorsuutigineqarpoq, Issittumi Sakkutuut nalunaaruteqarput. 

Timmisartoq misissuissaaq. Sakkutuut timmisartorsuat Hercules uuliakoorfimmi aamma silaannakkut misissuissaaq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER