Skip to main content

Uuliakoorneq qanoq siaruarsinnaanersoq takussutissiarineqarpoq

Dansk Meterologiske Institut (DMI) uuliakoornermut takussutissamik sanasimavoq, silamut immamullu ilisimasat aallaavigalugit takussutissiisinnaasumik uuliakoornerup sumut siuariartorsinnaaneranut

Aatsitassaqarnermut Naalakkersuisoqarfik Dansk Meterologiske Instituttilu (DMI-lu) suleqatigiinnissamik isumaqatigiissummik atsiorput. Isumaqatigiissut tassaavoq siunnersuisarneq pillugu isumaqatigiissut, uuliakoornermut allanillu aatsitassarsiornermik sulianut, DMI-p ilisimasaqarfigisaanut atasunut atatillugu immikkut ilisimasaanik pissarsiaqarsiusinnaasoq.

- Assersuutigalugu tigussaasumik isumaqarpoq silap pissusaanut immamullu ilisimasagut najoqqutaralugit eqqoriaasinnaasugut uuliakoorneq pissangaluarpat tamanna suup tungaanut siaruarsinnaanersoq. Taamaalilluta uuliakoornermik ajunaarnersuaqassangaluarpat pinngortitap mianernartup sapinngisamik innarlerneqannginnissaanut ikiorseeqataavugut, DMI-mi suleqatigiinnermut ineriartortitsinermullu immikkoortortaqarfimmi pisortaq, Peter Skovgaard Rasch DMI-mut taama oqarpoq.

DMI-p uuliakoornermut takussutissiaata minutsit 15-it ingerlanerani eqqoriarsinnaavaa sumiiffiit sorliit uuliakoornermik eqqorneqarsinnaanersut.

- Kalaallit Nunaanni isorartussutsit imminnut ungasipput, taamaattumillu uuliakoorneq isorartuumut siaruarsinnaavoq pinngortitamut uumasunullu annertuumik ajoqusiilluni. DMI-ip uuliakoornermut takussutissiaa atorlugu Namminersorlutik Oqartussat annaassiniarnertik aaqqissuussinnaavaat, taamaalillutillu ajoqusiinerit annikinnerutillugit, DMI nittartakkamini taama allappoq.

Suleqatigiinnissamik isumaqatigiissut aningaasaqarnermtu aatsitassaqarnermullu naalakkersuisup, Demokraatineersup Anda Uldumip aamma silap pissusaanut, nukissiornermut illoqarfinnillu pilersaarusiornermut ministerip, Radikale Venstreneersup Rasmus Helveg Petersenip atsiorpaat.

- Isumaqatigiissut nuannaraara. Suliaqarfimminni DMI nukittupput, imartatsinnilu avatangiisitta qulakkeernissaanut tunngatillugu pitsaanerpaat pisariaqartivissorneqarput, Anda Uldum.

Isumaqatigiissut 31. december 2017-ip tungaanut atuutissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER