Uulia taamaatinneqartoq
Nunatsinni uuliamik qalluinissarsuarmik takorluugaq piviusunngunngisaannarpoq. Inatsisartullu ingerlatseqatigiiffik Namminersorlutik Oqartussat pigisaat Nunaoil A/S ikummatissiassat piunnaarlugit allanik aallutaqalissanersoq isummerfigisussanngorpaat.
Nunaoilip Nunatsinni uuliamik gassimillu ujaasineq 1984-imiilli Nunatsinnit peqataaffigineqarnissaa qulakkeeqqavaa. Aamma ukiuni 2011-mit 13-imut uuliap milliardikkaanik isertitsissutaasinnaanerata neriuutigineqarnerata nalaani, ingerlatseqatigiiffik ujaasinissanut akuersissutinut 20-t sinneqartunut peqataavoq, ujaasiffigineqartussami katillugit 202.000 km2-inik annertussuseqartumi.
Aviisi Sermitsiaq taama allappoq.
Qanittukkulli Nunaoil taamaatinneqassaaq – tassa maanna aaqqissuussaanermisut ikkunnaassagami – tassami Naalakkersuisut 2021-mi aalajangiinerisa kinguneranik, tassa Nunatsinni Nunattalu eqqaani uuliamik ujaasinerit taamaatinneqarnissaannik aalajangiisoqarmat, Namminersorlutik Oqartussat pigisaanik uuliasiortitseqatigiiffeqarnissaq pisariaarummat. Taamaattumik Naalakkersuisut siunnersuusiorput, Inatsisartut inatsisaata Nunaoil A/S-imut tunngasup atorunnaarnissaanut tunngasumik, ingerlatseqatigiiffik taamaalilluni ikummatissiassanut akuersissutinut toqqaannartumik attuumassuteqanngitsunik suliaqalersinnaaniassammat. Soorlu tassaasinnaasumik erngup nukinganik nukissiorneq.
Aviisimi Sermitsiami atuarnerusinnaavutit. Aviisi uani pissarsiariuk: